MITCS News

Siaha, Nawh 17 (I&PO, MADC) – Târi noh 15/01/2013 (Tues) noh zâlâ dawh 2:00PM pa liana khata, Beinô Seasonal Bridge, Tipi Ferry, ECM Local zy ta ama daopa Rs. 3,45,000/- hryuhpa ta ama daopa cha, Puhpa R.T. Zachônô, CEM, MADC ta a pahy haw. He hleidy he sao tlahlâviata cha hmâ pazao lymâ theipa a châ aw.

He hleidy pahyna liana heta Puhpa Alok Swarup, DC, Siaha, Puhpa MH. Tiabi, EM(PWD, Puhpa K.H. Beihlô, EM (Forest) MADC, Puhpa N. Chakhai, PD(DRDA), Siaha zy ta a su liata biereina hnei ei ta, ECM Local, Tipi Ferry zy ta ama pachhuahpanohpa zâlâ pati cha Programme hmâkhai tawhta aly kawpa ta Siaha lâ tawhta a zupa zydua chhao ta dôhkhohna hneipâpa a châ.

He hleidy pahy noh tawhna heta Siaha – Aizawl Sumo Service zy hleikhô ta Auto Rickshaw hluhpizy ta amâ chhih pathao lymâ haw, he hleidy vâna he ta, Siaha tawhta Lytaih cha reileita liata thlaita tlôtheipa a châ habâ aw. Anodeikua cha he hleidy he ku ta taopa a châpa vâta, Motor laipa 407 nata Tripper-zy châta deikua hmâtheipa châ vei, Motor chyh viapa zy ngâlâh ta sie pahlietheipa a châ aw.

Issued by Information & Publicity Department, MADC, Siaha.