Evangelical  Church of Maraland (ECM) Khrizypa No Py (KNP) team cha Singapore nata Malaysia liata Mara Khrizypa chhokhazy tly awpata April 12, 2007 Thursday liata New Delhi, INDIA tawhta ama thao awh, tahpata MITCS ta thati a dao.

Ahmiatuahpa Khazo noh  15th April, 2007 he Singapore liata ahma aw ei ta, amyla hriatua noh liata Malaysia la pala aw ei ta, 22th April 5, 2007 Khazo noh he Mara Christian Fellowship-MCF (Malaysia) nata amah ma kho aw.

He zy he team sahlaozy ama cha:

1. Rev.NC Vabeilua ( ECM Pastor ) Hqrs, Saiha
2. Laisa- Dawhniarili, Secretary KNP, ECM, Hqrs,Saiha
3. Laisa- PP Nonai, Missionary Korea, MCH Dropin Centre ECM Saiha
4. Laisa- S.Lalmuanpuii, Judicial Officer Information Public Officer , MADC , Saiha

“Malaysia Mara Christian Fellowship eima vaw dua tawta Ko 2 tlo haw bahpa liata Marapa rah tawta he hawta mia ama vaw tly chhuapa vata alykaw na chota eima mokha. ECM nopaw zy cho liata alyna bie eima rei hra”tahpata MCF Pastor Rev. Rev.John Vabeibyhna ta a rei hra.

MITCS chhao ta he hawpa a fellowshipna khokheina nata alykheina a palasa hra.

Input: Rev. Rev.John Vabeibyhna