Aizawl: MEC partner ta chapa Germany, KNH cha India nata Buma rahri liata Marapa chata thapi ta ahriapasa ngala tahpata MEC-SD Secretary Rev. Maiki tawta thatih daopa a cha.Hnatlahna lata athaipa Dawty zy hmapa nata, nodihdahphipa zy chata nibaw nata taka so hmadah chhao hlupi apasai nga hra.

KNH Dr. Katja cha Mararah hnatlana Check up tao aw pata Oct 6-13 taih chapi nata Laki liata nochhih Mara 190 nata notla Mara 100 zy check tao ta eima Mararah liata hrilai kawpa zy a y tla leipata reih ta, aly achhih kaw.

Mararah liata ama complaint chaipa zy cha:
i. Malaria
ii. Chakuapa
iii. Pavyh pasana
iv. By a zawpa
v. Mozohpa
vi. Zofaihpa
vii. Chaobaopa (Leikhau) zy a cha.

Dr. Katja reidah ta cha Mararah liata Malaria chi thoh ei ta he zy dua tawhta a vaih nawpa ta thlohmia tawhta a vaihna nata thohna ta a vaina a pei mawh zie, Chakuapa he Vitamin B chyhna tawhta a vypa cha ta niepa tawhta nata thohna ta vitamin B hnei theina lathloh tao awpa, pavyh pasana he Mara saw zy eima niedah bahta saipazih abyuhna, ano di nota thata nie, ahria byuhpa ay nata nie hma tlah va, ti a chyh ta do, chahna pazy, kuva cha eih tahna zy tawhta a vy pa a cha pa vata quantity pachy via pata no kha ta ei thoh nie thei cheingei awpa nata he hlata ti do via awpa a pei mawh zie a reih. Marasaw check pa zydua liata 80% he a by a zaw tahpa cha ei ta ano deikuala ama by cha leipata thisaih a hnaitupa a cha a tah.

Oct 16, 2008 3:00 pm (India time) liata KNH ta Mawtaw Rs. 510000/- mapa cha nutrimix powder phaona nata Hmasiena Unawhsitanozy Balia (HUB) program cha ta Aizawl liata Marasaw chata a cha lei pa.

"HUB he MEC SD ry liata Unit 9 na a cha. KNH ta June thla tawhta Nutrimix powder he Madurai, S.India tawhta maniah kaw hla tyh ta a tahno taih eima hmo chypa zy cha Kg. 15000 dei a cha chy. Azydua Kg. 30000 maniah bao a chhuah ei ta Kg 15000 akaw tlo via chy aw tahna a cha. Atahmala Dr. Katja ta Nutrimix aniepa nata nieleipa hawti hnatlahna check ta aniepa zy ama p[hahnai khei hmeiseih. Nutrimix he Ks 1 ta Rs. 140 chata a zydua chata Rs. 4200000/- a cha" tahpata MEC-SD Secretary ta Maraunawzy tawta thatih maniah apathei..

Input: Chhituhno

Related Items:

• Germany KNH nata MEC Meeting report
• News Report from Germany by Rev. Mai Ki

• Mara Community Hmasiena Project Training’ hlaotloh kaw pata ama pachha thei haw

• August 21-29, 2007 Mara Chano hmasiena Training Report: Rev. Mai Ki