|
Tahmâ ei vaw tlypa cha Tari 4/4/2004 noh ta Mara Unawhzy Group laita "Tiama papua tua ba ei si" tahpa a châ. Pasaona pha kawpa ta ei vaw pahno. A rohtuhpa pachâna chhaota thata ei reipapha. Eima zydua ta eima vaw pachâ chyu awpa nata eimâ vaw chhuah chyu awpa ta a phapa Pasaona bie a châ.
Kyhpachapa mara unawzy, (Kyhpachâpa Mara unawhzy,)
Khazohpa ta marapa chi chyhpata chi nata pho ta rei tlah leipa he
chi tlohpa nata photlohpa ta maniah padua ta, Biehrai nata Hlabu zy hnei
pata eima Reih nata cha (identity) vaw hnei haw pita ,thatipha khaina ta
miah khuta, cha thatipha khaina chata achunazy ,ochho lyukah mohoh dahzy,
soh paliena dah pha via pa zy,niebaw tluana dah phaviapa nata novahna pha
via pa zy miah apahneisa.
(Khazohpa ta Marapa chi chyhpata chi nata pho ta rei tlâh leipa he
chi tlohpa nata pho tlohpa ta maniah padua ta, Biehrai nata Hlabu zy hneipa ta eima Reih nata châ (identity) vaw hnei haw pi ta, thâtihpha khaihna ta
miah khu ta, cha thâtihpha khaihna chata achunazy, ochhôh lyukah mohôh dâhzy,
sôhpaliena dâh pha viapazy, niebaw tluana dâh pha viapa nata novâhna pha
viapazy miah a pahneisa.) Khazohpa ta mara sawzy beihna maniah pita atahma he cha Japan
nata USA nata canada, singpore nata malaysia liata mara saw raihriapa hlupi
eima vaw y haw ba, achuna lia chhao USA liata achu ngala haipazy nata eima
rah puasai pata suhro rahhro lata achu ngala haipazy eima vaw y holo haw
bahra. He zydua he khazohpa beihna maniah api hmeisei eima tahthei aw.
(Khazohpa ta Mara sawzy byhnâ maniah pie ta atahmâ he cha Japan
nata USA nata Canada, Singapore nata Malaysia liata Mara saw rai a hriapa hluhpi
eima vaw y haw ba, achuna lia chhao USA liata âchu ngala haipazy nata eima
râh puasaipa ta suhro râhro lâta achu ngala haipazy eima vaw y hôlô haw
ba hra. He zydua he Khazohpa byhnâ maniah a pie hmeihseih eima tah thei aw.)
Chahrasala hiakha la eima vaw sai hei nata eima liahrie tlona eima
laiseina mara rah ( apa chaipa ta burma mara rah) vawsai tua, eima nopaw
nahzy eima unaw sietano zy Atu nata Tako achaba pata mathlai thisai ta
niebaw tlua pata kokha nie chhao hmo thei khao leina eima rah, eima unaw
sietano chhaikha zy cha achu kho kaw pata khihsa riethei vata achu thei khao
lei pata (phaka,maiso) zy lia viavi pata phaviana hlata leidia viana la
pangai pata , he zy he pacha hmeisei na cho ta, kheitama nama nata keima
eima rah chata hmasiena sakha chha eima tlo khei thei hra aw va tly,chavata
rahhrola ta a y pa thyutlia sawzy pi eima maohphaona alaihmeisei.Eima rah
eima rietheina pahno pata tiamana nata ngachhihna chota eima raihriana lia
nata eima chuna lia tiama papua tuaba eisi.
(Châhrasala hiakha lâ eima vaw sai heih nata eima liahrihtlona eima
laiseihna Mara râh ( a pa chaipa ta Burma Mara râh) vaw sai tua, eima nôpaw
nawhzy eima unawh-sietanôzy Atu nata Takô a chabapa ta mathlai thisaih ta
niebaw tluapa ta kô kha nie chhao hmô thei khao leina eima râh, eima unawh
sietanô chhaihkhazy cha achu khoh kawpa ta khihsa rietheina vâta achu thei khao
leipa ta (Phaka, Maishu) zy lia viavipa ta pha viana hlâta leidia viana lâ
pangaipa ta, hezy he pachâ hmeihseihna chôta kheihta ma nâma nata keima
eima râh châta hmahsiena sâkha chhâ eima tlôkhei thei hra aw vâ tly? Chavâta
rah hro lâta a ypa thyutlia sawzy pi eima maohphaona a lai hmeihseih. Eima râh
eima rietheina pahnopa ta tiamana nata ngâchhihna chôta eima raihriana lia
nata eimâ chuna lia tiama papua tua ba ei si.) Atlahpata, (Atlâhpa ta,)
Rah chata nama hrialahpa
(Râh châta nama hrialâhpa)
|
