| Mara Châ Roh Dâh Kiathy Via Thei Nawpa-3 |
|
|
|
| Written by VaE | ||||||||
| Saturday, 15 July 2006 | ||||||||
|
He hawhta cha ei vaw rohpado tyhpa he nama hnabei a cha padysa pathlei aw vâ ma tahpa ei vaw pachâ tyh. Negative kao lâ tawhta châ leipa ta upbuilding kao lâ tawhta ei vaw chhuahpa a châ. Chavâta Mara Unawhzy Group chhôh liata pachâna pha viapazy, lesson châta a pha viapazy he ei vaw tly tyhpa a châ. Ei chhuahna he eina vaw pahno thai, eina vaw chhyh thai bei awpa ei chi ta, ei châ haw ei. Marapa zydua ta châ eima roh dâh eima vaw kiathy via thei nawpa ta vaw châ mawh sy.
Tahmâ ei vaw tlypa châ cha Tari (2/4/2004) noh ta Mara unawhzy Group liatahpa a châ.
My dear Marasaw, Abei pa ngia chhiena va ta keimo Mara pesaw naw zy he cho Khazopa ta a thai asoh pa hlupi ma nia a vaw pa thla va tah a ly a chhie hmei sei na, saw tlia penaw zy chhao hmiala Siku a chuna lia ta tiama vaw papua via ei sila, cha taw ta eimakhi nata eima ra a kia thyu viana acha aw. (Abeipa ngiachhiena vâta keimo Marapa sawnawhzy he chô Khazohpa ta a thai a sohpa hluhpi maniah a vaw pathla vâta aly â chhih hmeihseih na, sawtliapenawhzy chhao hmialâ Siku a chuna liata tiama vaw papua ei sih la, cha tawhta eima khih nata eima râh a kiathy viana a châ aw.) Thaina sona latah keimo Utanaw zy ta Maranet nata Maraunawzy Group mania a vaw tua pa cha a ly a vaw chhie hmei seina, he he eima mopho nata ei marah a vaw chei chalo tua penaw na ma cha vata Abeipa ta Mara mopho nata Marasaw zy cha ta byhna cha pie ei se tapata keima ei y na su tawta thla chha ei cha vaw byu ei. Hmia la lia tah eima mopho nata eima rah cha tah tiama vaw papua via bei ula tapa ta bie tana ei cha vaw hnei ei. (Thaina sohna lâta keimo uhtanawhzy ta Maranet nata Maraunawzy Group maniah a vaw tao pa cha aly â vaw chhih hmeihseih na, he he eima mopho nata eima râh a vaw cheichalo tuapenawh nama châpa vâta Abeipa ta Mara mopho nata Marasawzy châta byhnâ cha pie ei se tahpa ta keima ei yna su tawhta thlahchhâ ei cha vaw bao ei. Hmialâ liata eima mopho nata eima râh châta tiama vaw papua via bei ula tahpa ta bie tana ei cha vaw hnei ei.) Hmia pahno pa nata nama moh ei cha thei ty penaw zy tata nama cha vaw ropa zy vaw hmo nata a ly a chhie hmei seina nama hmia hmo pa tlu at vaw pacha nata ei lyna a vaw ki da la ei...... rei thei aw pa cha vei ( Keomo Locheipi rei ta eima rei khia cha, Khazo pita ta aw pa acha ) eipalo a lytuna va ta a mo thei lei pa nata khi tlokhu ei vaw padei. Ei vaw lyna he vaw chhopa sia pa cha sala nama a vaw ly thei hra aw pacha na!!, cha va ta Khazo pa ta eima Utanaw thaina sona byhna pie ei ta mania a ma tao pa thei pa a cha, Abeipa tah hmia la lia tah byhna cha pie via ma ei se. (Hmia pahnopa nata nama moh ei cha thei tyhpenawhzy ta nama châ vaw rohpazy vaw hmô nata aly â chhih hmeihseih na. Nama hmia hmôpa tluta vaw pachâ nata ei lyna â vaw ki da la ei...... rei thei awpa châ vei ( Keimo Locheipi reih ta eima reih khiah cha, Khazo pi ta tah awpa a châ.) ei palôh a ly tuna vâta a mô thei leipa nata khi tlokhuh ei vaw padei. Ei vaw lyna he vaw chho pasiapa châ sala nama vaw ly thei hra aw pacha na!!, chavâta Khazohpa ta eima Uhtanawh thaina sohna byhnâ pie ei ta maniah ama tao pa theih pa a châ. Abeipa ta hmialâ liata byhnâ cha pie via ma ei se.) Cha va ta nama hno ta a lyna bie rei leipa ta vaw y thei vana, namo ma ei cha vaw ly via ei tly, keima mah a vaw lyvia no tly rei thei aw pa cha vei, cha vata ei cha vaw ly hmei sei tapatah ei vaw pa chha sa chy aw, (Chavâta nama hnohta a lyna bie rei leipa ta vaw y thei vana, namo ma ei cha vaw ly via ei tly, keima ma a vaw ly via no tly reih thei awpa châ vei, chavâta ei cha vaw ly hmeihseih tahpata ei vaw pachhâ sa chy aw,) Atla pa ta, (Atlâhpa ta,) Hmiala lia ta ei ma vaw thy hei aw, (Hmialâ liata eimâ vaw tyh heih aw,)
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
||||||||
| Last Updated ( Sunday, 16 November 2008 ) | ||||||||
| < Prev | Next > |
|---|