Marahpa cha Kri a vawzy via hlata cha khi kha nata khi kha he alei beizy ryureina ry liata a ypa eima cha. Alei beizy ta ama chhohiathai viapa khizy cha ady viapa hawhta y eita ama chhohia thai lei khiata cha a sihnaona tai ta a cha tyh. Chahrasala Krizyna a vaw y tawhta cha Khazohpa thlahpata Marah rah vaw charei ta asihnaonazy lei laita khikha nata khikha kypachana ta achhohia thaina a vaw y via lyma haw. Phoryhpa eima rie maniah apathei viapazy cha awnanopa nopaw chhaikhazy ta a vawdyu eita tahma tai chhao ama dyu lyma chy hra.
 
Awnanopa ta Kri eima vawzyna he eima missionaryzy tawhta a vaw cha. MEC cha Lorrain nata alapino tawhta chata Baptistzy chhao amo nata ama missionary tawhta a cha hra. Anodeikua he liata a chytae ei panano khohna a y. Khapa vata takhiahta cha keima mo pakha hmona ananona vata a cha. Mission history eima sai tita gospel receivers naw zydua a hlu via cha ama missionaryzy phupy ahlypa ama hlu via Anodeikua kheihawhpa missionaryzy tlyma cha ama phu ba saita gospel receiverzy duahmo nata ahmipa mo ama bipa tyh hra. Viarah liata Krizypa hlu via cha gospel senderzy py ahlypa ama hlu via. Ei pahno theina rakha ta cha tano Viahrah liata cha (Lisu Christian Church) nata MEC leipata ahropa zydua he gospel senderzy py ahlypa ama cha. He he tahno pyh hlupi khoda hawhta paduapa he eireina cha vei. Yesterday Mission kyh ei reihpa a cha. Chavata MEC he apizi ta Baptist Churchzy nata anano haw. Baptist tlyma, Methodist tlyma cha gospel senderzy py ahlypa ama cha. Achhapa cha ama missionary ta denomination base pa a cha. Tano keimo (MEC) ta Lemro Chin liata (MEC) py eima paysapa hawhta a cha. Chahrasala MEC he eima missionaryzy phupy tawhta paduapa chaleipa ta Missioanazy nata native (Marapa)zy ta ama kiapa awnanopazy saina chota Phupy moh ahneipa a cha. Chavata MEC cha Reformed Church tahpa a cha. Native Marahpazy nata missionaryzy paduapa a chapa vata kheihawpa daihti liata ma cha (Mara Awnanopa) eima tah nata MEC he hmopachhitypa a cha. Achhapa cha MEC cha Marapa liata aduapa chata Marapa a yleina liata MEC ythai khao vei tahna tluta a cha. MEC nata Marapa cha identified haw tahna tlu a cha. Chasaidei a daileipata eima missionaryzy ta eima chi nata pho abo thei nawpa nata Marapa eima chana identity tluta chazy mania taopa eita, Mararah he country sakha tlu hawhta padua awhpata mania ama khoh (Five Years in Unknown Jungles liata moh te). Keima dykha pachana ta cha eima phupy moh he ama papeisa kawpata pacha vana. Papeisa ei sala mohropa missioanaryzy hawhta amo phupy moh tla mania ama bie awpata a cha. Chavata tano MEC ta Mararah liata a peimao a tahpazy kyh (except politics) he Assembly liata atlo khei tyh. Pakhonata Ma kyh (1995 A-Ruh Assembly) hawhta Bino ahlei dao awpazy, Tisi chava ahlei daopazy (tahma apango haw) Zauhnei nata Hloma motor lathlo patyh awpazy hawhpa he a pacha lyma. He nata azaopa ta 2007 centenary he Marah Centenary tluta chhao apypa a cha hra. MEC phupy ihpa deita chata cha vei eitah khoh. Eima unawpa Baptist naw zy he Pakao liata missioanryzy paryhna tawhta Thatlah pai Marah rah he Lorrain chakaona ry liata a yleipa chhaota keima pachana ta Lorrain ta Baptist missionaryzy he Marah rah apakhaisapa missionaryzy (ano hawhta) ahmo thlyu aw ei eitah. Chavata ano hawhta Baptist missionaryzy chhao he Khazopa rai chakao aw eita Marapa chata nata Mrahpa rah chata tlao ama chakao aw tahpa a ngiapa thlyu aw eitah. Baptist rah pakawna cha leipa aw ta, Marahpa awnanopa pachasana tlao a cha aw. Lorrain ta ano phupy pakawna chata hria leipata Marahpa eima zydua Krizy nawpa nta eima zyduata hmaokhata (moh sakha ry liata) y ta country sakha hawhta padua awpata mania a khoh. Chavata Centenary cha Marahpa a hyrai chata tlao a cha.

MEC cha hnohla eima biepa moh tla chata Centenary kyhchhipatopatiahna liata tovyu alapa deita tlao a cha. Ano MEC centenary patlo vei. Marahpa Centenary tlao a tao. Chavata unaw zydua Centenary he eima duahna phupy ta mania affect leipa sala phupy he cha buakha eima hnona chata eima hmapa tlao chata he hlata pha viana eima hmo khiahta cha akaoraohna lathlo liata eima si lyma aw.