Khizaw liata 100% krizy khaina rah he Mara rah a cha.
Chavata Zisu dei he Abei chaipa a cha eima tah. Eima
noto hro liata, eima khitlah ryureina liata,eima lyna
nata mothlitlahna liata chhao Zisu he beichaipa
dyuchhai liata eima patyu tyhpa he Marapa eima nano
chaina sakha a cha. Marapa ta eima Beipa hmia eima
sieh hawpa vata thatihpha kyh liata bua khao hraoh
mapi. Abeipa rei thailyma awpa dei eima bah. Zisu eima
pahno tawh kozakha a pha haw vata pitlona la eima
pangai laih haihi.
2007 liata eima tao awpa kozabi kyhchhi nata a zao
pata thatih chyupa ei vaw roh. Thatihpha tlah aw kheina:
1. Kozakhachho khazopa maniachhithana kyh he centenary
gospel team ta hla nata bie ta tlah ama aw khei lyma.
Sawhmo tlah zydua chahry pata Rev. Zodau nata Pupa Lai
Hau choir leader nata centenary choir zy ta kozakha
chho liata Abeipa eima cho liata a phana kyh he tlah
ama aw khei. Eima Beipa zisu cha Marapa ti nata lei
lo, hmohro hneipa nata chyhsa zydua ta ama rei thai ly
ma. Zisu moh dei ta he eima rah liata a sah chai. 2.Zao pheirah nata Mara rah thokha cha hry pata April
2006 chho liata Rev. Satu Ve U, Rev. Nokha, Rev. Sama,
ngiapa lahpa hlupi nata Centenary choir chhao ta
Kozakhachho Zisu eima cho liata a pha hmeiseih tahpa
he tlah ama aw khei heih. Zao phei rah liata ngiapa
lahpa zy nata Zisu phana he hmao kha ama rei thai
lyma. KHazohpa cho liata ama lyna he rei tiapa cha
vei. 2. Cha khai tawhtah Centenary choir he a pa ha lei ta
si pazao ly ma ta India liata eima ngiapa lahpa mara
unaw sieta no zy nata Zisu phana he hmao khata rei
thai aw pata Saiha ama za tlo. CD, zy tao thei
nataihta Khazopa ta Choir cha byhna a pie. Saiha No
pawzy liata Abeipa bie rei ta centenary choir cha
thata pa lyu palihpa ama cha.Rev. Zodau nata Evan Ebi
zy ta choir cha thlah pa loh ei ta Abeipa phana cha
ama cha khei lyma.Abeipa eima ly via pa chai hei. 3. India mara, Saiha liata ngiapa lahpa Mara
unaw-sieta no zy cha he kozabi kyhchhi he thlahpa
kyhchhi ta khacha ama ngiapa. Vaih chata sapa nata
thlahpa liata byhna cha thei naw pata kahvi lei ta noh
30, 20,10 etc. tahpa ta thlahchhana ama hnei
lyma.Mothli tlana chota hipa chizy cha a pyu leima aw.
Ama bie chaipa cha eima rahrao haipa liata Zisu y ryu
vaw rei heila tahpa he a cha. Rah ryu reina
(politics)liata Zisu he su pi ba si tahpa he ama chana
ao a cha hra. Kozabi kyhchhina liata eima pa rohnahsa chai awpa he
Zisu moh he chasala, he tawhta eima kaw sie lai nawpa
liata chhao Zisu moh he mara unaw-sieta no zy liata a
sah chai maw sy. Gospel centenary kyhchhi liata chysapa moh he eima cha
lo tu khiah Zisu su hnei aw vei. Missionary zy (R.A.
Lorrain nata chhokha, Carson nata chhokha etc.) eima
ly hmeiseih. Zisu, Abeipa cho liata eima ly chai. Mara
rah Gospel centenary thabypa he Zisu chata Centenary
liata a vaw lyla tahpa he la Zisu liata hmaokha ta a
ly kho su vei tahpa a cha.Missionary zy, kraws
pheisaizy ngachhi kaw pata ama cha kaona cha eima
hrona ta eima ly hmeiseipa a cha.Khizaw liata
thatihpha vata a o tlyma lyu tlyma siesai ta a chakao
hawpa, a chakao haipa nata a vaw cha kao laih awpa
zydua cho liata chhao eima ly hmeisei. Abeipa liata a ly chyu su vei. A phana he hmaokha ta
rei thai via lyma su vei.
|
