Dear ………….

Ko 2007 he Marara Gospel Centennial Jubilee a cha ba aw. Mara saw zydua paloh lia a lyna ti chatlaota, a kiah a kho pathla nga kaw.

Thatipha ta Marapa hrona a tharipa tawh tlokhuh a panano haw. Reipati tiah leina taita hmo phapa nata hmo ronahpazy thatihpha ta miah a pie. Marapa chipho thaphana Zubili Ko a cha. Khazohpa lata phopi alyna atheina hla daihti a cha aw. Centenary khola mathlai, mothlih nata thisaih chhaota sie awpa a cha heih aw. Anodeikua achhuahna, hnebeiseihna nata saduthiena thiehpata hmiala sie awpa abyuh aw. Chavata phopi ahlana pathieh heihna daihti a cha hra aw.

He daihti soh kawpa a theithlahna ta Mara Gospel Centenary Board ta Magazine papua a chhuah. North America liata a y pa Mara sawzy ta ahryuna zydua ama vaw toh chhuhpa vata Mara saw zydua eima ly hmeiseih. Ko 100 liata ei 1 deita tao theipa hmo a cha.

Chavata sermon hawhta non-academic, non-research etc…charopazy papua hluh leipa chasala; research, records, historic, documentary, analysis, statistics data, life experience, pachana atao papuasa theipa (thought provoking) etc… charopazy papua hluh theipa chasala tahpa khona a y. Marapa hrona nata siena liata khatinoraita a pakyh tlah (reference) a cha awpa a khoh. Mara, English, Burmese reih3 (section3) ta tao chhuahpa a cha.

Marapa hry ta nama he Magazine Committee ta cha tlaichhai kawta, moh reipa ta a chatlyh patlua. Ko 100 choh Marapa a vaw chhihthatupa Khazohpa nata Mara zawpi zana chota Article na vaw roh thei cheingei awpa ta a sah chaipa ngiachhiena eima cha haw.

Article Topic: ……………………
Language: ……………………….
Deadline: April 30, 2006
Address: Mara Evangelical Church, Assembly Office, Lialaipi/Sabyhpi
Or
Editorial Board
Magazine Committee
P.O. Box 366, General Post Office
Yangon, Email: This e-mail address is being protected from spam bots, you need JavaScript enabled to view it

Charotuhpa passport size photo chhaota eima khoh.
PS: Article topic he achhuana panano leipa a cha khiah a byuhna hawhta panano theipa a cha aw. A chhiechaita typed ta ropa chasala eima khoh.

Mara zawpi thlalohna nata alyna awpa ta Khazohpa byhna chapie mawhsy!
Nama kyhpachapa,

M. Vahnei
Convener

Comments

Add New Search RSS

Write comment

Name: Email:   Website: Title: UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge     Please input the anti-spam code that you can read in the image.

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."