|
Written by Admin
|
|
Tuesday, 15 November 2005 |
|
November 15, Yangon--Myanmar rah notla la ta a ypa Marasawzy eima hrona he cha ta ahlu kaw ro awpa y vei, ta ei si la rei chhie aw ma pi. Mawtaw latlopa nata a hropa ti la thli la latlopa zy a hneileipa Marasawzy pi cha eima hrona he rahropa chihropazy hawta Phusa liata apahniepa chaleipi ta kokha chho eima mathlai nata thisai papuapa ta lyu eima taopa tawta apuapa a thipaw liata apa hneipa eima chapa hawta ahrohropa hla ta eima kovie(kovei) thati he thina hrona thati hawta a cha ty. Atako Marapa koveipa thati cha June nata July athaona thaita ava phakawpa ta asualei tarawta Khazopa ngiachhiena vata avatla viata a pha.
Keima popa he August 15 taita Thatla pai, Ngephesizo khi liata y nata no-a a china taita khicha(weather) he anano. Ko hro cha May thla taw he cha ti sai tlo tyta khitly hnatlyna thapi ta abua ty. Acha tarawta ata ko cha June chhana taina khata no-a a china taita ti paso ta chava la si eita tiry ama ngia thei.Khicha achhiena vata May thla nata June thla liana kha chavaw hlupi cha kuata khi hlupi cha ti chhao hma thai awhpa hnei mala khao vei.Ei kaw sina lapi liata May thla ama tai theikhao lei typa Thahao chavaw cha Aug khophi taita eima kaw sao thei. Khicha a phaleina vata khihlupi cha leipalie taotheileipa eita khi thokha cha tla lyu ama taopa chhao sako(Fako) he no ta ai sao khai ta a chakah awhpa khi ama hlu hmeiseina.Chaliachata Marasawzy kovei a vatla via chaipa cha no-a a chhie hmeiseina. Khazopa ngiachhiena vata a cha.
Contributed by
C.Sahliema
|
|
Last Updated ( Tuesday, 15 November 2005 )
|
