November  4, 2005 pa lia na khata Chano 300 zy ta Siaha Dist. Tipa khipi liata lapi achhina(demostration) a ma hnei, tapata thati daopa a cha.

October thlapa liana khata Saikao khih, Siaha dist. chholia tapa liata Puhpa L.Laikho nata a lahpino lyula sie eita, ama novah  ahmo thai leina hnei eita, ama paw( avahpa), raroh y kawpata  a lahpino cha a vawtusao. Varohpi alahpino cha riethei a tao khai tawta, thi pata, athina chhapa he a hyhmata pahno leipa eita ama vaw pabu pa a cha. Atahma  November thlapa liana khata amano chhokhapa ma(dream) liata a lua ta, he hawta a taochhiena zydua he a thlapa ta achhokhai haw! He hmo zydua a ma pahno khai tawta a vahpa L.Laikho cha police ta patu eita, aphuah pah ha hra. Atahma he Siaha Jail liata hro chho lo-o a tah awpata patupa acha.
             
He hmo a tlopa he M.CH.P.Sub.Hqtrs Tipa chata paloh tla leina, Lapi achhina Date 4.11.05 khata my daw 6 patawta hnei eita, chano 300 rachho ta he Lapi a chhina he a ma hnei. He lapi a chhihna he Police zy ta duty khai eita, buabana y leipata patlopa a cha.
               
He liata ama palohtlaleina ta ama awna point zy cha he hawta a cha:


1.Lahpino zy cho liata raroh y kawpata ku pathla ta a hrona a lahtupa L.Laikho he hrochhota Lo-o liata a tah mawsy.
2.Eima Marah rah liata hehawpa hmo raroh ypa he tlo khao khasy.
3.Eima rah Biehnei tupa zy ta L.Laikho he a chochah (action) apasa theichaina hawta lahmawsy.
 

tahpa zy a cha.

News contributed by: Entee (Tipa)