Anoh he Technological University, Kalay Myo liata Associate of Government Technical Institute (A.G.T.I) he ko(2) avaw chuta a qualify tawta Bachelor of Technology (B.Tech) he ko (2) avaw chupa zao hei ta Roll No. (4) ta avaw qualify hei. Chakhai tawta a kôpa(5)na Bachelor of Engineering (B.E) he Roll No.(11) ko(1) nata Thesis nata Project he thla (8) chhô avaw taopazao. Tiama lymâpa ta he Thesis nata Project liata vaw taopha kaw ta, avaw qualify pazao hei. Chadeikua B.E liata a qualify pa zydua ta Master of Engineering course he a chu pasaipa
châleipa ta M.E a chuthei nawpa ta Entrance tao ha tua awpa a châ. 03.03.09  result yzie hawta mo pa(27) ama taona liata mo (11) he vaw Qualify ei ta Paw Bietu chhao M.E achu thei awpata avaw Qualify haw.  Chatanacha, M.E course First Semester he 09.03.09 noh tawna heta achu pathao thei haw tahpata thatih hno chaipa daopa a cha.

East Maraland tawta Engineering thaina lachha ta achu hlaotlohpa zy he ary lia haw heta hmo theipa a cha.

(1) Saya Zakho - B.E Degree hmo tuachaipa
(2) Salai Papao Lay Muang - B.E degree khai tawta M.E achu awpata Qualified tuachaipa, nata
(3) Paw K.Bietu - M.E achu tuachaipa zy he ama cha.

Paw Bietu Ngephepi khihpa Mr & Mrs Thau Hlie saw pa(6) hryta apa(4)na acha. M.E degree hmo theina taita ahlao tloh thei nawpa chata MITCS ta khokheina asachaipa ahla.

Salai Papao Lay Maung he Tisi Khihpa Saya Naw U & Pino Chiso zy sawta a cha.

Anoh he November 2006 liata B.E final Exam moh (12) eita moh (9) Qualified theipa zy hry liata avaw hlao. February, 2007 noh ta Master of Engineering achu thei awpa ta moh(7) entrance tao eita moh(2) deita ama hmo theipa liata ano he pakha ava hlao hrapa acha. USA liata M.E course achuna pazao thei awpata apatopatia nga hai tahpata thatih MITCS adao.

Achuna nata azaopa ta Marasaw zy chhao byhna to pha lymapa chata 2008-2009 Academic Year liata East Maraland tawta Mara saw Master course avawchu theipa (Hons & Qualify) zydua mo pa(9) ama y tahpata, Mara Student Association GS Nb.Sila tawta thatih daopa a cha.

"Kho achhi chaipa cha Rah chho liata MSA nata MTP zy reirao kawpa ta raihria lymâ-awpa nata adeichhy lymâpa châ sala Rah khotho lata MSWDC nata MSFD chhao ta eima khi liata hawtipa, eima nawta naw zydua chhao he M.Sc, L.L.M, M.Com, B.E, M.E, Ph.D nata Doctor hlu via zy taita a ma pua theinawpa ta a chhitha lyma ta tha a patlo rairi awpa he thata eima kho hmeisei" tahpata MSA GS ta Maraunawzy hnota a rei hra.

Achuna liata hlaotlopa Mara thyutlia zydua, nata Paw Bietu nata Salai Lay Muang hnota MITCS alykheina sachaipa eima hla chanei.

Input: NB.Sila