MSA Chairman Paw Vakhaitha ta Yangon liata ama hmana nata azaopa ta he hawta arei: "61th Chin National Day liata MSA ta Odôh la nata Fâh E la a lah hra. Marapa ta he hawta Chin Group hry liata eima pua lyma hra awpa he apeimawh ngaita kaw. Marapa Chipho laipa Chipho tlohpa eima chana eima chipho heihnawh zy lata palasahna daihti phapa chhao a cha hra. Chavata, MSA ta Chin Litrature and Culture Committee lâta a haw tyhpa cha MSA he CLCC liata Sub-Committee ta miah a py thei ula tahpa a cha. Atahma chhao he hia ngala chypa chata, hlaotlohna taihta hia awpa ta MSA ta a chhuah" tahpata MITCS lata achho. (MSA Full Report he liata hmo theipa a cha. )


Odoh Lah alahpa MSA memberzy on Chin National Day, Yangon (more pictures)

Malaysia liata aypa Marasaw zy chhao Mara Community Committee in Malaysia chhithana ta aly ngaita kawpa nata paloh tlahpa ta ahma theipa a chapa MCC uthei zy tawta thatih daopa a cha. Sport Arapasuana achapa Volley Ball, Saôh lô, Saôh pheh, 100 Race, nata Zawh rie adaona zy liata Chano/Chapaw ataopasuana hneipa ta Lyma (price) zy ama dao hlei khota, Fasion show, Culture/Sawhla Kia zy chhao ama patopatia thei hrapa ta thatih daopa a cha. (MCC Full Report he liata motheipa a cha ).

Yangon nata Malaysia zy hleikhopa ta Australia Melbourne Khihpi nata USA Washington DC area liata aypa Marasaw zy chhao Hlasapa nata Lapa zy chhaota he noh daihti peimawhpa he ama vaw hma chyupa ta pahnopa a cha.

Ko 1948 Chin State Falam khihpi Conference liata Chin chyhsa 5000 rachhohpa zyta Chin Chipho hryta ama vaw hma tyhpa Chieftainship (Abei Machi tahpa liata achhihthana) cha Democracy chhihthana lata pathlai awpa ta bichhawna ama tao no he Chin(->Mara) National Day tahpata pahnopa a cha.