The UN Cargo Airplane is planning to drop food-aid to the victims of Bamboo famine in East Maraland, Chin State, MITCS has just learnt from Mawta Famine Relief Committee. The UN Aircrafts in Burma are preparing to deliever Free Aid in rice bags to famine most hit areas such as Lialaipi and Sabypi of East Maraland, Chin State of Western Burma. The exact date for delivery is yet to be declared. Please read full report in Mara language below:
Chakaphaohri Nopo Aphao Haipa Viasa Zydua Sai U,
UK Sawkha tawhta Mawta Chaka baona he Vazawla, UN Cargo Airplane, UN Aircraft In Burma, ta Nochhi Marah Khipi viapa achapa Lialaipi nata Sabyh Khih liata mawta chaka baona he sapha bia hlupi ta ava tawhta avaw pathla ba aw tapa thati sia kawpa cha Mawta Famine Relief Committee ta adao, avaw pathla na awpa noh nata daiti deikua London Goverment nata Baroness Cox Office London sipahlie pata MFRC Coordinator ta thatih siaviapa achhohia chanei ngala hai. UN Agencies zy liata chakaotuhpa pohpa zy tlai heta ama pheita chakapa khih tly thei bei ei sala, Nochhi Mara khisaw zy khisa totu rietheina he ama mokhaa tlaita mia hmo khei hra ei sala tapa tah MFRC ahawna zy cha Burma Pheisaihpa ryureitu penawh zyta International Chysa zy he atahma bualua pata eima rah ama ngia awpa he avaw pasai tu leipa vana khata atahma hawta Alternative lathloh he Airplane Vazawla ta pachhuapano pa acha.
He US Dollar Million khahleipa UK Sawkha tawhta Mawta chaka baona he October thlapa chho liana tlai khata eima rah atlo cheingei awpa pachhuapanopa cha tarawta chasala Burma rah pheisaih biehneitu pazy tawhta Free Aid Distribution zy kha ama vaw pasai pha khao leipa vana khata Baroness Cox Office London ta UK Sawkha lata ei nona ta thlai ahawna tao heihta UK Sawkha ta noh 12 no chhoh bah mia avaw ngia chy bei u la tapata mia ama chhopa chhao kha avaw cha hra. Baroness Cox cha tla achali molo khei leipata mawta chaka pazy phaohrina cha phao khei lyma via heih pata DFID oko chhao avaw tlo khei chanei heihpa kha cha.
Thlachha nama bao hmeisei chyupa hawhta October 24,2008 noh ta Eino Baroness Cox Office London nata DFID Representative zy ta mawta chaka baona strategies zy ama pachia na noh chhao khata MFRC ta UN Agensies zy pohpa tlai heta eima rah chho angia pata mawta chaka baona he ama rai thei bei khiala tapa ahawna tao chanei heih ta chasala Pheisai ryurei tupenaw zy pasaileikhao lyna vata eima rah chhohTransportation Rairu tuna va heta atahma hawta Alternative way, lathloh hropa a y khao leipa khiata cha UN Cargo Airplane, UN AirCraft Under WFP in Burma tlai heta Sapha bia he ava tawhta drops lyma thei sala tapa ahawna chhaokha liasa pataih pa acha, he ahawna he BBC Burmese Service nata BBC Bernadette chhao ta thata back up mia ama taokhei pakha avaw cha hra, amo cho liata chhao eima lyna he chhatha bei khao aw vei.
Atano liata he thati aly eichhih pa eima theipacha eima ngiahma la taihta avaw chhi haw, Khazopa ta hmo roh nah ngaita kawpa mia ataopa hawpa vata thata eima ly ngaita kawna, Eima Khazopa la alyna bie rei awpa chhao he pahno thai khao vana, India rah Orrisa State chhoh liata ama taochhi hmeiseipa Krizyh pasa taokheina tawhta Eino Baroness Cox chhao cha London Office a vaw ngia daihma haw, Office a vaw ngiah heih tawhta he thatih zydua chhao he akichia via pata eima chaw pathei heih awna, atano Marasaw zy mawta chaka eima taona he kono la vaw pha hawta akothona la eima ngiah haw, he chakana va heta nawhlei apyh pa hlupi rao hawta hawsai nata nawhlei apyh haipa no hlupi critical point liata vaw soh hawta pasai leina chota eima chysa hlupi cha mia avaw pahlei padia hawpa mawta chaka kha avaw acha, atano liata na ta eima theibeileipa zy mota eima hmobei leipa Khazopa phana ngiachhina zy eima rah avaw ngia pathao ta angiachhih na roh nah zi Mara rah ti nata tla cho lia adia beileipa ahmo pazy cha atano he y molo kheithai pa cha khao vei, Abeipa la alyna bie reina mothlih di zy cha dikha hno dikha alo parei thla haw ba.
Atahma November thlachha hlata chhao he MFRC cha chaka baona eithoh na rai awpa apachhuapano lichieh hai hrapa acha, he zydua chhao he UK Sawkha tawhta UN Cargo Airplane hmapata baona avaw pathla awpa mopazi paheta rai heih awpa acha, eima thlachhana liata khacha athei lyma bei suh vei, Abeipa la alyna bie rei awpa chhao he phahla chachyta bei awmapi na. Ary liah he MFRC Chairman Rev-Victor Ve U hnohta avaw tlopa thati daona tawhta Mara rah chhoh liata thati pha avaw tlapa eitheipa eivaw pathlah hra.
Nama chakaolahpa
Sasa
|
