|
Yangon: Mara Student Association ta taotyhpa Mara Cha Workshop ei(2)na cha Oct 18, 2008 - Yangon liata hlaotloh kawpa nata alypa ta taopa a cha haw tahpata MSA tawta MITCS ta thatih adao. Ary lia he MSA General Secretary Nb. Sila tawta report tlohpa paphao hmo theipa a cha.
Dear Zachhingaitapa unaw nopaw zydua sai u,
Marapa he Khazopa ta phopipa cha awpa ta atlypa chipho miakha ta eima cha hmeisei. Chin tapa chipho ry liata chipho 53 hleipa liata chipho moh ta Missionary eihpa a hneipa he Mara(Lakher) dei he a cha. Chaleipa tala Zyna phu nata py moh ta avypa missionary via ta ama chapa ta eima pahno. He Chin ry liata chipho hlukawpa liata CHA nata Khazopa CHABU Holy Bible zy chhao ahneitua chaipa eima chana cha zawpi pahno khawbapa ta pangiasapa a cha.
Maraland liata khapa hmâta hmosohpa, ngiabâ awpa hmiakha hmâ y vei. Chahrasala Khazopa kuzo a châpa Maraland Ti nata Tlâ zy eima sai tita khizaw chysa hneirohpa zydua ta ngiabâh tlâpa Râhpanyupa nata Tipasohpazy lolymâna râh saita a cha. He zydua he eima mo tita khazopa tawta hmosaipa zydei he Marapa ta a hneirona a châpa hawta Ko zabina(21)na liata khizaw zydua ady aryleina nata atuadaina ta vaw charei lymâ ta Ahneirohpa rahzy ta rachyviapa zy chadiechahmy lyma eita Culture, Tranditional nata Literature zydua chhao ama pahleipadiapa lyma. Apokhana rai y vei, atu adaina nata buabana saita a charei lyma. Eima CHIN chhô liata tlaita phu nata py zy chhao he thata hluta khazopa a chhyna Ozy cha ahmia nata ahmia patyh haw na taita phu nata py he avaw hlu hawba. He vâta thokhazy hmo ama taothei ngaitapa rawtra buabana thata amâty lyma pa ta eima pahno. Chadaiti liata Khazopa ta atlypa Marapa deikua cha eima sipasa hrasala Marapa deikuacha eima pokha vialyma. Chazy hry ta Marapa cha 100 liata 100 a pokha hmeiseipa ta ABEIPA ta mia sypahmao lymâ pa vâta ABEIPA moh he Mara sawzy ta thata reithai leitheipa chavei.
Chahleikho ta Marapa sawzy akaoraona nata adychhy rairina vata zâhia 18/10/2008 on Saturday liata Eima CHA zy eima khâsianawpa lâ thloh pahnotheinawpa ta Ei(2)na Mara CHA workshop chhao cha LTC liata hlaotlo kawpa ta patlo theihawpa ta a cha.
Ahlaotheipa cha maluh...(38)
Adaiti ............ ...(12 - 5)pm
Paper chhuanohtuhpa .....Paw Vâthâ
Uthei/nopaw la tawhta a vaw kia theipa zy cha:
1. Rev. Dr.LB.Siama
2. Rev. C.Thaulei
3. Rev. Sah E Hmo
4. Puhpa K.Sabie
5. Puhpa M.Vahnei
6. Puhpa Roke
7. Puhpa C.Bietha
8. Puhpa Cho-u
9. Puhpa Zaotha
10. C.Sahliema
11. K.Hliesa
12. Paw Sathau
13. Ngokho
Chhai(1)na he 2:30pm liata chalisa chypa châta Thopi dona eima hneikhai tawta Chhai(2)na he thlai pathao chalâpa ta a cha.
Bie a hiahripa nata a saohiana, chhopasiana ahneituhpa zy:
Chhai(1)na liata..
* Mc Zaotha
* Saya Cho-u
* Saya Sahliema
* M Vahnei
* Mc Bietha
* K. Sabie
* M Vahnei
* Saya Sahliema
* Rev. LB.Siama
Buakha thopi dona hneipa a cha.
Chhai(2)na
* Mc Zaotha
* Mc Bietha
* K .Sabie
* LB.Siama
* M Vahnei
* K. Hliesa
* Rev. Sa e hmo
* Saya Vahmo
* Saya Ngokho
* Rev Thaulei
* K.Sabie
* Saya Vahmo
* K.Sabie zy he Mara cha ro dâh, pahniapahlana yzie, "h" baina y zy nata Mara CHA parai (taopa thei)tlâpa zy nata Maracha papohsa via nawpa zydua he areipasiapa nata a chhopasiapa ta ama cha.
He ei(2)na Mara CHA workshop he Marapa liata eima ngiabâ ngaitapa Nopawpa saita eima rah chata amâvawpie pasai theichyupa vâta MSA ta thata alyhmeiseipa hawta khizaw kaoki ta apahrapa MARA SAW zydua chhaota thata namâly chyuhra cheingei aw tapa he eima beiseihna a cha. MSA Centre ta patopatiapa ta Mara CHA workshop he ei(2) vawtao hawpa châta, Krama la chha ta cha C. Laiki papuapa (Mara Krama) chabu kha apahnieh chyu viapa ta a cha. Mara cha liata eima rairu kheipa nata eima no lalao chaina cha 'h' baina he a cha. H thati he nopaw hlupi vaw reipa sia haw eita, Mara CHA lachhah ta eima ula C.Laiki ( h baileina y zie) nata Paw Vatha ( h baipa yzie) ta chhao thata mia chhaopa sia khai haw ei ta thata eima paloh atla hawba. Marapa Nopaw zy M Vahnei, Lb Siama, Mc Zaotha, K.Sabie nata nopaw thokha zy ta ama reipa sia chaipa cha H baipa he apha/phavei tatla leipa ei ta daiti hmiatuapa liata'h' bai mapi, Atahma 'h' eima bai haw. Chahrasala 'h' baipa he achhâna (the end) cha vei, châ cha ahropa acha vata hmiala liata 'h' baipa he apy lai thei awpita, athy chhao eima thy thei. Châ cha ahropa a chavata anano lyma thei tapa ta ama reichyu. CCI, ECM nata MSO zy liata atlopa hmo yzie zy chhao thata mia ama chhopasia. M Vahnei ta 'h' baipa he a chhana chavei, atapa hawta LB Siama ta MSA cha Educated Person châta (Future Planning) ataopa achapa hawta hehe Araihria tlapa rai rai chata thata research taovia lyma abyu. Hmo miakha he anaopa ta ta thlao apy chala awpa phavei. Asia chaipa aphachaipa apythei achhuah abyu.
1. na liata A proof hnei abyu.
2. liata On process kheita e..
3. liata Resurch Co-orperate tao awpa abyu ata.
Chavata MSA nata Marapa ta eima raihria byu chaipa cha Mara cha khasia ta pahneirohsa awpa he cha ta, Pachana kawpa, palopasipa nata Riaphapa ta Eima CHA cha he ta hriapasa lyma abyu tapa ta bieta na chhao mia ahneihra. h baipa nata baileipa thati nata Mara cha y zie chhopasiana ei(2)na tai hneitheihawpa acha vata thata a ly a chhita asaohia(dicuss) na hneita Marapa cha ta hriapazi lyma awpa deihe eima rai laichaipa ta eima ba bâ tapata bietama mia ahnei.
Zala daiti chhao tawta Record Photo alana eima hnei. Nopaw nawzy amaw tlopha ngaitapa hawta nama deichhyhaipa MSA Centre luhpa nawzydua chhao aki ngaitapa ta eima tlo phakawhra.
Alyna chota,
Eima ra nata chipho châta nama deichhyhaipa,
NB.SILA
GS, MSA
Centre, Yangon.
Related items:
More Info: Visit MSA Official Website
Click here
|
