Oct 13, 2008 mydi he kyh email paphaopa daopa acha pata nata Mawtahna vata ahria nga haipa baotuhpa zy hnota chhao thlai update tao hrapa a cha pata pahnopa a cha.

He hawta Chin State biehneituhpa tawta pasaina ay leina thatih he atanoh British Parliament liata Mawtahna kyh arei awpa Pino Baroness Cox hnota chhao thlai update paphao hawpa a cha hra. Buabana y lei pata he boana he free ta nodihdahphipa zy la hla thei nawpa chata local NGOs achapa MEC, MSA, MTP hleikhopa ta athiehta ta paduapa MFRC zy through pata release thei awpa he alyna bie hlana chota MSWDC khona palasahpa a cha hra.

Oct 17, 2008 liata tao awpa CAD, WFP nata UNDP zy meeting tawta thatih phapa vaw y sala, nodihdahphipa zy hnota baona achatli thei chai dah hawta atlo thei nawpa chata, British Parliament liata Mawtahna acha khei heih awpa Pino Baroness Cox chata, nata baona zy he hluvia avaw ngia thei lyma aw pata Marasaw zydua thlachha bao awpa ta MSWDC ta Maraunawzy yahoo groups hmapa ta hruana nata anaohna atao chanei.

MSWDC he Marasaw zydua Mawtahna baona kyh liata rakhothola tawta atheina hawta coordinate atao nga hai hleikhota, chakahna baona chata atheina hawta International Governments and NGOs hnota lobby rai avaw hriapasa nga tyhpa kha acha tahpata pahnopa a cha.