UK chaoza Department for International Development tawta US Dollar 1081000 he Chin State liata Mawtahna baona chata aparypapao haw tahpata thatih daopa a cha.
He baona rai patai nawpa dah vatlahpipa cha ary lia haw heta a cha pata CAD tawta thatih eima dao.
1. WFP $220000 (GRET, KMSS etc ama hlao)
2. UNDP $586000
3. CAD $275000
Acho liata palasahpa zyta ama hrianawpa suh zy cha ary liata Area nata Population hawta a cha.
1. Paletwa 9316
2. Thantlang 24357
3. Matupi 4247
4. Hakha 5082
5. Tonzang 6000
6. Tedim 6000
MITCS ta hnochaipa thatih adao dah tacha Saono (rainy season) achapa vana heta, sivawna runahna y ta, October thlapa tawta sapha rai pathao awpa ta beiseihpa cha November 1, 2008 tawta deita nodi dahphipa zy hnota a tlo thei ngyu awpata beiseihpa a cha. CAD raihria nawpa area lia he sapha (rice) ton 352 he khih 15 liata a ypa chysa malu 10440 zy hnota thla tho (3) chhoh chata thlai rai awpa a cha. Ton sakha(1) liata pounds 2000 a y khiah cha, sapha rai awpa he 352*2000 = 7,04, 000 a cha aw tahna a cha. Mararah khih ahlaopa zy cha: Locheita, Locheipi, Ngephepi nata Khihra zy ama cha. Matupi nata Paletwa township chho liata aypa Mararah Khih zy lata chhao thlai atlo awpa beiseihpa a cha.
He UK sawkha DFID tawta baona he phupy nata chysa hlupi eima zydua hriapasana vata avaw y theipa a cha tahpata CHRO Director Pu Victor Biak Lian ta a reih.
News Media lachha ta Chinland Guardian, Khonumthung News zy he Mawtah chakahna kyh vaw cover pha hmeiseih eita, khizawpi lata vaw phua lymapa a cha. Mawtahna kyh liata report nata press release hlupi a vaw patopatia tuhpa zy cha MSWDC, CHRO, WLC, CNC he ama cha pata pahnopa a cha hra. Ahno via chaipa liana khata HART nata CSW pachhuapano kheina chhaota UK sawkha he Chin delegation nopaw thokha tawta tha pita lobby vaw tao via heihpa a cha. [Note: Chin level phupy zy hnota MSWDC ta Mawtahna kyh urgent ngasa pata raihria awpa abyuh zi Memo hlupi avaw paphao hma hawpa hawta MSWDC utheizy tawta pahnopa a cha].
Chin delegation liata avaw hlaopa zy cha Pu Victor Biak Lian, Cherry Zahau nata Sasa zy ama cha. [Woman League of Chinland Coordinator Cherry Zahau ta Mawtah kyh liata testify ataopa Guardian.co.uk ta a quote pa he lia click pata moh theipa a cha]. Armania rah liata Dawty achu nga haipa Satlia Sasa chhao UK lobby ataopa Chin delegation Team lia ahlao hlei khota, HART nata CSW(BBC reporter chhao apahrua pata) zy tawta Mawtah chakahna baona India-Burma rahri la taita a vaw si lai hrapa kha a cha. MSWDC bietaena hawta 2007 UK trip no chhao Mawtahna kyh he arakhapa UK nopaw uthei zy hnota avaw tlo khei thei haw hra.
He zy hleikho pata Rangon based-pa CAD (Country Agency for Rural Development) WFP (World Food Programme), UNDP (United Nations Development Programme), CARE, GRET (Groupe d'échange et de recherche technologiques), KMSS (Karuna Myanmar Social Services) and DFID (UK Department for International Development) zy chhao Agust 2008 chho liana kha meeting ei tho(3) rachho ama vaw hnei hra.
Mawtah phopa mohpasia tita Ko (5) taita chakahna atlo khei tyhpa hawta pahnopa a cha. Chavata, atahma avaw tlo cheih hawpa baona zy he adaih tiara leipa awta, UK sawkha taw chhao cha se, Sawkha hro hropa la tawtapa baona zy avaw tlo via lyma chy awpata mohkhapa a cha. USAID taw chhao Mararah India-Burma boder Mawtahna chata May 2008 liana kha USD50,000 baona avaw pie haw hrapata pahnopa a cha.
|
