|
Written by Pu Samau, MPP
|
|
Friday, 30 May 2008 |
May 26, 2008 - Siaha: MTP(nochhi) nata MTP(Myanmar) zy apachhaipazah khao lei pata lohraoh kawpata apohkha lai lymabah awpa achana thatih Siaha la tawta thatih daopa a cha. Ary lia tahpa he report tlohpa a cha.
M.T.P APOHKHANA
Marapa chi nata pho cheichalo awpa a chhuahna hnei hlah tlohpata moh nanopa phaopata ko varo a vaw siepa Mara Thyutlia Py (Nochhi) nata Mara Thyutlia Py (Myanmar) zy cha Mara People’s Party (Liberated Area ) hmahlana zawzi ta Date 23.5.2008 liata lôhraoh kawpata sie ba awpata ama pôhkha haw.
He Apôhkhana programme he MTP Nochhi tawhta Headquarter O.B nata Executive member 19, MTP Myanmar tawhta Headquarter O.B nata Executive member 12 zy ta ama hlao thei. Hezy leipa chhaota khi to Branch chhithatuhpazy nata MPP luhpenawh 4 chhaota zydua 41 eima cha. He Apôhkhana Programme he Puhpa C.Samau, MPP Chairman ta phahnaingia ngaitapata a chhihtha. Rairuna rakhapa zy y hrasala ahlao theipa zy hro liata Apôkhana vana nata angiahna a pasana zawhzi ta hlaotlohna cha hnei theipa a cha. Programme he 11.30 am ta pathaopa cha ta, zacho nachhôh 12:00 pata Apôhkhana cha headquarter sano tawhta chhituhpazy Moh Sign-na ta pachhapa a cha.
He noh zala pati nie-pahmaohna chhao MPP luhpenawh ta patôhpatiah ei ta a rôhnah kaw. He noh za 10:00pata Aizawl tawhta St. Valaitha Chozah kaw tlô chho ta, MTP apôhkhana alyna chata Date 25.5.2008(Sunday) zala pati niepahmaohna a chhuahnoh heih ta Abeipa Moh reithaipa ta 2:30 pm tawhta 6:00pm taih biereina nata hlasana ta Puhpa C. Thahe o liata a hma heihpa a cha. Ai a chhih leipata programme pachhasa pasai chhao a chhih vei. A rôhnah kaw.
Rah to su to ( Marapa rah khôtho lata ) liata a vaw ypa Mara Thyutlia zydua chhaota maniah nama lykhei hra aw, tahpa eima ngiapa. Nama ly nawpa hmiaphao zie chhao vaw hmopachhi pi ta, eima tha chhao a thyu kaw. Khatita ma eima liahri tlona rah liana khieta bahliah cha-aopata eima laih zaolao khoh khai ba aw va tlyma i……
Mara Thyutlia Py eima rah liata thatlô kawpata a sie thei lyma nawpata baokha chyu suh u, Thlachhana chhao ta.
Central Executive Committee
Dated Saiha, the 26th May 2008
|
|
Last Updated ( Saturday, 31 May 2008 )
|
