Rangoon: Marasaw zyta ama khokhei kaw tyhpa nata ama bochha kawpa Mara siku hatizy ta General Conference hlao tloh kawpata ama hnei thei hawna thatih ary lia tahpa haw heta General Secretary tawta report-na avaw hnei.
Zachhipa unawzydua sai u,
ABEIPA ngiachhiena nata nama zydua,khokheina, thlachha baona vâta MSA ko(40)tlona, Ei(36)na MSA G .C cha Sôsaikhih, Hreikietlâ liata 12.-17/04/2008 noh chhoh zydua liata avaw hmâ lymâpa ta hlaotlongaitakawpa nata alykawpa ta vawpachhâthei hawpa a cha.
*Atlotheipa malu ..... 540
*Atlotheipa khi ..... 19
*Chief Guest he Pupa Rolai (Head of Electric, Matupi township) châraw ta sawkhâ biepipa khitlyna avaw hneihaw vâta Vyupa ta Saya Khiphotha he vaw padua ta a saiheina lymâ nata MSA hnota a khokheina message zy he alyna chôta eima dao. Chavata Ei(36) G/C Chief Guest cha Saya Khiphotha ta a cha.
*Pastor hmia hmôtheipazy:
(1) Rev. Victor Ve-u ( G.S, MEC ), (2) Rev. Vazilai ( KTP Secrertary )
(3) Pro Thâsie ( Chapau Biatuhpa ), (4) Pro Meithâ ( Aru Biatuhpa) nata
(5) Saya Lethâ ( M.Th, Madras tawta akawpatlôpa / Aru) zy he ama cha.
MEC General Secretary pa he G.S tovyu rônakawpa a to tawta MSA kô(40)tlona G.C he Akhitlyna hmiatuachaipa nata ABEIPA zâpati (Sacrament)chhao, a chhuanohna hmiatuachaipa achâ vâta MSA member zydua ta ahnota thata alyna hneipi ta mia avawhlao theipa Pastor hropa zyhnota chhao eima lyhmeiseihrapa a cha.
*Aophapazy:
(1) Paw Vabeiha (2) Fie Vadawsô (3) Fie Vadawtlei nata (4) Fie Jenevives zy he ama châ.
Ei(3) Mara Issue Seminar
Châtho hlâna (Paper present) hmôtheipazy,
(1) Rev. Victor Ve-u, tawta 'Kozabi (21) tawta Marapa saw Sona tluan'awpa zie'
(2) Rev. Dr. Laima choza, tawta 'Basic Education and Mara'
(3) Paw Elaisa Vahnie tawta 'Marasaw Râh khôtho (Râhro) lâ puana yzie', nata
(4) K. Hra-u, tawta 'Marasaw nata Education' tapazy he a châ.
Marapa hmasienawpa khopasana vâta Châtho (Paper) zy mia a vawropa theitupa eima nôpaw nawzy hnota nata Seminar daiti chhô châta Thopi mia achhuanoh theitupa Paw Elaisa Vahnie (USA) zy hnota alyna thata eima hnei.
**Taokheina hneipazy:
**Mia apahasaiha pe naw he;
Moh Khimoh Achuna Kô
(1) Paw Laitha Aru 6std 15
(2) Paw Khohmo Lelaita 10std 17
(2) Paw Khaidau Sabyh mâthâh 10sdt 18
(4) Paw Rabao Lelaita 10std 19
(5) Paw Vahmoh Satu ngephe L.L.B(Q) 35
zy châ ei ta Mylâ khi avawdei awpa liata Eima râh chhithatuh awpa châta hnabeiseihaipa zy hehaw ta miah ama pahasaipa vata MSA ta thata angiachhie ta Conference liata Taokheina Munute (5)chho zawpi achalina hneipa a châ.
Ataopasuana liata Lymâ ahmôpa thokhazy:
(1) Phorypa (Culture)
* Pholâ (Culture dance) Odôpa lâ,
First ..... Lelai,
Second ... Sabypi.
* Selau (Chapaw)
First ..... Sabypi.
Second ... Teinâ
Selau ( Chano)
First ..... Lelai,
Second ... Meisakotlâ
* Hlapy
First ..... Ngephepi
Second ... Dawlei.
Hla Solo
First ..... Fie Simai (Lelaipi),
Second ... Fie Ngerili (Sabyhpi).
(2) Mara Châ (Literature),
* Advance Level
First ..... Paw Siteithâ ...... ( Ngephepi ),
Second ... Paw Khaihresa ...... ( Lelai ).
* High Level
First ..... Paw Steven ....... ( Ngephepi ),
Second ... Paw Vabiehne ....... ( Aru ).
* Middle Level
First ..... Fie Thla ngôh ....... ( Ngephepi ),
Second ... Fie Chichikhai ....... ( Lelaita ).
(3) Akhaina (Sport & Games)
* Foot ball
First ..... Aru
Second ... Lelai
Best team .... Ngephepi
Best Last back .. Captain (Aru).
Best Person .... ZarNiAung (Lelai)
*Volleyball(Chapaw),
First ..... Aru
Second ... Sabypi
* Volleyball(Chano),
First ..... Teina
Second ... Lelai
* Chhilo (Aripolo),
First ..... Aru
Second ... Lelaipi
Note: Long jump, High jump, Metre 100, 500(chano,chapaw), chaori(chano, chapaw) nata ahropa chhaikha chhao vawpalasa khao mâ aw mapi.
*MSA ko(40)tlona ko rona ngaita pa liata a taopasuana zydua châta lymâ(Prize zydua he Paw Maukhai (Camp:USA) nata Miss Ngopâ zy chhokha tawta Marapa kyhpachâna nata alykheina ta amaw pachhuapanopa sai acha. Azydua ta Ks 200,000/- a châ. Ama hnota thata alyhmeisei pita MSA ta chhâna ahneileipa ta alyna bie ahlâ zozaw.
*Aly achhivia hmeiseih.
Marapa ta Râhla cassette (Tape) he eimaw hnei theileipa vata âbyuna mai liata Lovesong (Achhaina hla tlyma) he vaw pa sâsa tyh pita, Râhlaachaleipa vata thata ngiachhie achhihmeisei. Chavata MSA ko(40)tlona khola Eima Râ nata Chipho chata tiama via lymâ pata Rahla cassette he Kalay Sub-Centre nata apakaopa ta,
'PHOPI TAOVYU' tahpa cassette(tape) he G.C liata Arona kawpa ta phua chalua (release)na chhao hneihawpa a cha.
Hla asatuhpazy:
(1) Paw Vabeiha (2) Fie Vadawsô
(3) Fie Vadawtlei nata (4) Fie Jenevives zy he ama châ.
Hla aphi tuhpa zy:
(1)Pupa S.Hrâchu, (2) Pupa Laichô Nôtlia, (3) Pupa B.Biehu,(4) Pupa B.Râlai,(5) Pupa S.Bievâ,(6) Saya Chhauteh,(7) Paw L.Vâbeiha,(8) Paw Sâchô nata (9) Ale(Mara) zy ama cha.
Aphusâ (Sponsored) zydua he Saya Lebie-u tawta patopatiapa sai chata a zydua ta ks 970,000/- he record hawta acha.
He Râhla Cassette (Tape)he Zâ ahmâna daiti liata ChiefGuest Saya Khiphothâ ta, 'MSA ta Marapa châ ta Lôbô sakha avaw bôhawpa vâta Marapa sawzy ta eima lyngaita' tapa phuana chô ta, Ks 50,000/-ta pahyna ahnei. MSA ta thata alyhmeisei. Chakhai tawta Nopaw nata member zydua ta ks 10,000/-, 5000/- nata 2500/- ta alykheina chôta achâkheichyupa acha.
*Apatopatia tupa Kalay, Sub-Centre nata Saya Lebie-u zy hnota MSA Centre thata alyna bie hlâ ta alyna palâsana ta, Ks 10,000/- ta alykheina hneihrapa acha. Cassette(Tape) a chaleipa zydua hnota Hlabu chhaota piepâpa a cha.
Mara Deiva (Centenial Special Issue)
*Atako (2007-2008) Mara Deiva(Centenial Special Issue) he Format nata Design zy thata angia hmeisei ta atakô tawta Doctor avawchutheipa mo(4)pazy nata Rev Dr Laima choza nata Saya C. Zakho zy hmiaatyhna chhao y ta, Marapa ta Nopaw hmiatuapa Pupa Matlei thâti zydua chhao a y khaipa vâta thata arôna hmeisei. Marapa sawzy châta Mara Deiva a khaithei nawpa saiheina a vawhneitupa Dr Taisa, Zawzawno, Paw Elaisa, Paw Machei, Paw Sichho nata Saiheina avaw hneipa unaw zydua hnota MSA ta alyzie reitheipa châvei.
*General Conference kiana (programme) chhâna thlachhâ hlâta Phuachalua(Release)na he Rev Victor Ve-u (G.S, MEC) tawta ' He Châbu (Mara Deiva) he ta Mara sawzy Deiva hawta khaina lâ achhituhpa châmaw se' tapa ta Thlachhâna ahneikhai tawta Ks.30,000/- ta pahyna ahnei. Pahy khai tawta Bukha ta Nopaw nata member zydua ks 5000/- 3000/- 2000/- chyu ta alyna chô ta achâkhei chyupa a châ.
MSA ko(40)tlona cha Sosai nopaw nata khisawpa zydua ta thata apipasai hmeisei ei ta daiti chho zydua aly âchhizie nata ama hmiaphao phazie he reitheipa châvei. Apokhana palâsama ta Aru branch, MSA hnota Dyna maophaona hruapa châta member 79 vawtlo eita, Marapa châta ama tiamana nata amâpiepasaina zydua cha hmotaona ta ama palâsa hmeiseipa ta eima pahno.
*Marapa saw eima hma asievia haw eima ta theina cha Sahma aparipa rai y khao vei ei. Apakhyna, Conference, Seminar nata meeting kiana zydua chhaohe thata arona hmeisei. Akhaina liata ahrao-achhiana rai rai y khaoleipa ta YellowCard he mo pa(1)dei a hmo. Chavata Eima hro liata thata eima sosâh via hawbâ hmeiseipa acha.
*Akaoraona pamosana ta Akhaina pahyna châta Sosai khi Nôpawnawh nata MSA Centre lupazy ball akhaipa thaona hneipa acha. .... Pakkoku branch (Chano) nata Kalay branch (Chano) zy akhaina hneipa acha Volleyball akhaina pachhâsapa a châ
Hâkô 2009 kô liata atlo awpa, Ei(37)na MSA General Conference cha MEISAKOTLA KHI liata a cha aw.
'Marapa Apôkhana he thata rôna hmeisei hawbâ ta ABEIPA chhithana râh achâna chhao he thata avawlâ hmeisei hawbâ'.
"He hlaotlohna zydua he Marasaw zydua apôkhana vâta achâ".
Eima râ nata chipho châta nama deichy haipa ......
NB.Sila
G.S, MSA
Centre, Yangon.
|
Mara Ky apachâpa Unaw y,