January 12, 2008 liata hneipa MSA & MSO Joint Meeting liata MSA Chairman Paw Vakhaitha presentation a cha.
Presented by : Paw C.Vakhaitha, Chairman, MSA Centre,Yangon
Nama zydua hnohta eima Beipa Zisu Krista mohta, Kôthiepa Samaw ei cha hla ei.
Nama daihti phakawpazy MSA nata MSO chata hma nama pasaipa he, MSA vyupata alyna bie a sachaipa ei cha hla ei. He hawhta a tyhna he Mara saw a chuhaipa chata byhna vaw cha maw sy tahpa he ei thlachhana a châ.
Zachhipa nôpaw nama zydua hnohta MSA thahti chyupa rei awpa eikho kaw. Khazohpa ta MSA he rairuna liata cha-ao lyma ta, 2008 February 2 he kô (40) eima tlo ba aw.
Abeipa liata eily hmeiseih, eima kaw sie chiepa daihti liata MSA he a no nata â phana hawhta a chuna liata hmasiena chata zy chi nata pho hmasiena chata zy a hria papua lyma. Nama hry liata MSA raihriana report chyupa,2007 he bata eivaw palasa;
1) April 2007 liata ei (35)na MSA General Conference he Dawlei (Taikua) khih liata hneipa chata, Puhpa J.Jeffrey Khara,Editor Moonlight & MTP Gen. Hqrs leader he Khihchhai laipa (Chief Guest) chata mia hlao ta, eima ly kaw. He hawhta a zaona he ta MSA thatlona mia pie hmeiseih.
2) MSA ta kô chareih Mara Deiva Magazine papua tyhpa chata, atakô chhao he eima papua heih aw.He he Mara Literature promote-na chhaota eima pyh.
3) Marapa chi nata pho he Abeipa ta unaw phakawpazy mania taopa ta, Lautu, Mara, Zaophe Sikuhawti apokhana chata L.M.Z Fellowship he Zeiphe liata eima tao thei. He atyhpakhyna he kô (2) padaita eikha tao tyhpa chata, atakô chhao he keimo Mara rah Locheipi khih liata ei (5)na he April 2008 liata eima tao heih awh.
4) Yangon he MSA Centre ta hmapa chata, Office chhao akô ta eima hneithei haw hra.
5) Mara phôpa (story) papua awhpa ta Collection he tao pita,eima tao khai haw. Rei leipa ta eima papua thei awh.
6) Mara History papua awhpa ta Puhpa Haoko Chozah, MSA Co-founder ta a pachhuapanohpa he a byuhna hawhta eima hriakhei lyma hai. A hawhla ta chhao a vaw pua awpa eima hnabeiseih.
Khazohpa ta â ryh a ta khia cha he zy he hria papua awpa eima chhuah.
1) Mara saw pi he international boundary ta mania pachhai hrasala, chikha phokha châ pita, Burma Mara tahpa nata India Mara tahpa hawraw he eima bie reihna liata nata eima châ rohna liata Nochhi Mara tahpa nata Notlah Mara tahpa hawraw hma lyma awpa a pha, he he Re-unification palasana chata a châ.
2) MSA ta Mara Literature he promote lyma a chhuah ta, Mara reihta châ rohpazy a hlu thei via nawpa ta, MSO he eima cha hrua hmeiseih.
3) MSA-MSO a zaona he a pha viapa eima hneithei nawpa ta Delegate a tua theina he eima hlao tlona tai hria pazipa eima kho.
4) Mara Sikuhawtizy a chuna liata eima y chhoh Research paper nata Thesis-zy eima roh tita Marapa khihsana-hro nata a zaopa eima roh hlu thei nawpa ta a pasypali via lyma awpazy he eima masana nata eima thlachhana a châ.
He hawhta a tyhna phapa maniah pietuhpa Abeipa moh he reithaipa ta y sala, MSA-MSO he vawtla parei mawh sy. Nôpawpa nama zydua hnohta alyna bie ei cha hla chyu ei.
|
