Session 1-na he S. Vabeihasa, President MSO Gen. Hqrs ta chhitha ta, 2nd Session deikua T.A Beihnia, Vice President MSO ta a chhitha hra. Special invitee Puhpa J. Jeffrey Khara, Editor Moonlight Newspaper ta MSO-MSA hriakhohna cha pha kaw pata hria pazao lyma pata a cha thei napa he Khazohpa chhithana na a cha a tah.

Paw C. Vakhaitha, Chairman, MSA Center, Yangon chata MSA raihriapa tlahpipa a rei khaota he hawpa daihti phapa a hnei theipa he Khazohpa chhithana vana a cha tahta alyna bie a reih hra.

Myanmar MTP nata MSA Joint Conference liata Khichhailaipa (Chief Guest) Puhpa Jeffrey Khara raihria phana rei pata ano hmah lana vata Nochhi Mara nata Notla Mara zyta apohkhana vaw lai via lyma ta, ano he Khazohpa chhaichhi na a cha tah hra.

MSO nata MSA Joint meeting liata bie rei pahmaopa zy:

1. Mara phopi he apohkha via lyma n'awpata eima py moh Mara Students' Organisation (MSO) nata Mara Students' Association (MSA) zy he py sakha moh sakha ta hma sila tahpa khona, he deikua he paryhsapa a cha taraw pata MSO he registered tua syulyu pa a cha vata, MSA heta MSO moh he tlao hmah hri sala MSA General Conference liata tlo khei sala, MSO delegate ahlao hra mawh sy tah pata pathlupa a cha.

2. Global Mara Festival hnei tyhpa chasala tahpa.

3. Khizaw liata Mara student-zy eima pokha via thei n'awpata MSO nata MSA heta website pahy rairi sala tahpa.

4 Mara phopi eima pohkha via thei n'aw pata Burma Mara tahpa nata India Mara tahpazy he Nochhi (East) Mara nata Notla (West) Mara tah pata thlapa chasala, atahma tawhta cha East Mara nata West Mara tahpa ta rei lymapa chaba hri maw sy.

5. MSO-MSA Magazine papua thiehpa mai cha copy 20 hlata achyhlei via pata a paphao tyhpa cha maw sy.

6. MSO Conference nata MSA Conference liata delegate hnei pazao lyma pa cha maw sy.

April thlapa 2008 khita Sosai, Myanmar liata Mara Students` Association General Conference hnei awpa liata MSA President Paw C.Vakhaitha ta MSO leader zy ahlao aw pata a hrua pa hra.Thopi pahah kawpa do khona hneipa pa a cha hra.


Source: Moonlight Newspaper

Comments

Add New Search RSS

Write comment

Name: Email:   Website: Title: UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge     Please input the anti-spam code that you can read in the image.

Pa Hmo  - Aly achhi hmeiseih   |Your IP is:122.164.120.xxx |2008-01-16 09:08:45 Atahma hawhta Mara pa apokhana athuvia n'aw pata East nata West Sudent Chhituh pa zy atyh na he hmiala ei masie lainawpa daihti zy liata positive result atlokhei cheingei aw. Chysa thokha zy ta Burma Mara, India Mara awna he ei mavai zy hnota Negative Connotation hneikawpata eimahma tyh. Hehawta eima vaih zy choliata hmana chhao he chaba sala alyachhi.[/b] Reply | Quote 1   0

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."