|
MSA Chairman Invited to MSO Special Dinner Meeting |
|
|
|
|
Written by Admin
|
|
Sunday, 13 January 2008 |
January 12, 2008 – Siaha, Mizoram: Mara Student’s Association (MSA) Chairman Paw Va Khai Tha nata nôpaw chhaihkhazy cha Mara Students’ Organization (MSO) ta Siaha khihpi ama Headquarters Office building liata special dinner ama tao pa tahpata MITCS tawhta thâtih a daoh.
MSA Chairman cha Mara Folklore Book project vata MSA Central Yangon tawta November thlapa chhana la tawna khata athao pata noh siepi chho Mararah zydua khitly lai pata Siaha khipi he atahma hata chho liana khata akaw ngia. MSO hleikhota Siaha tlahpi ta ama welcome kawpa hawta thati daopa a cha.
MSO ta patopatiapa special dinner meeting liata MSA Chairman, MSA co-founder puhpa Hao Ko, MSA former EC member & Aizawl MSO advisor puhpa Tha He, MSA EC member Hla Aung, nata MSO Office Bearer mo (11) zy ama hlao theipata pahnopa a cha.
Khapa e atlahpi pata nama rei pahmao tahpa maniah na chho thei awma tahpata hiahri tita, “eima cover-pa topic hlu kaw ta, East nata West Marapa akaoraona eima hnei via lyma thei naw’pata MSA nata MSO joint activities hnei hluvia lyma pata raihria hnai thei lyma awpa he eima rei tlahpi chaipa a cha”, tahpata MSA Chairman ta a reih. “Chhaikha hmozy thlai eima reipahmao pasia theipa hawta chhaikha zy deikua MSA EC or GC lata angia khei abyuhpa zy a y holo hra”, tahpata a pazao.
Nama meeting kyh liata na reikho peimawh hropa a y khao ma tahpata hiahri heih tita,”ei reih cheihpa hawta alykaw pata topic hlupi reipahmao theipa chata eily hmeiseih. MSA EC or GC khokheina y khai tawta project detail zawpi la eima pahnosa thei aw. A ih pata MSO nata Siaha khipi cho liata alyna bie ei rei kho hmeiseih. Eiphu leina khola ta he tlupo ta eina welcome eipa ei hmo tita ei paloru liata alyna mothlie a lo. Miah ama moho phana nata maniah ama dao zie he keima pokha hmo taotheina vata cha lei pata eiphupa hmo chhao cha hra vei. MSA nata ama heinawh East Marasaw zy cho liata ama kyh pachana rohnah kawpa ama palahapa hawta ei pacha. Ama cho liata alyna bie rei tia leipa eima bah thla haw”, tahpata MSA Chairman Va Khai Tha ta a reih.
MSO President Paw Vabei Hasa hnota ama meeting kyh reikhopa a hneipa MITCS admin tawta telephone hiahrina ahnei tita, “International boundary ta Marapa maniah vaw pachhai haw hrasala he hawta Marasaw akaoroana eima hnei via lyma awpa apha takaw pita, MSO nata MSA chhao “reihkah” ngala chaleipa sala “action” chhaota eima hria pahmao daihti a tlo haw. Eima likaw liata Transportation nata Communication channel phapa hneithei awpa he peimawh kawpa hmo sakha hawta pachapa chata, Chapi nata East Maraland la sipahlie theina motor road chhao he MSO nata MSA ta action chhao ta eima thla thei hra awpa apha kaw”, tahpata a reih.
“Tawla, ei reikho kawpa sakha la nochhila eima heihnawh zy nata atyuhnai pata bie lohaw rei pahmao awpa eima khokawna daihti ta liata MSA Chairman Siaha kaw tlo lacho ta daihti pha kawpa eima vaw patu theipa he aly ei ta kaw. Nochhila Mara siku hati nah palie International Level ta hmo tao/play naw’pa dah tlao nama vawpahno via bao, amopa tlah nama cha kaw” tahpata MSO President ta a rei pazao.
Mara history chabu patoapatia awpata Siaha atlo nga haipa MSA co-founder puhpa Hao Ko ta “eima meeting eima mokha leina kholata pha viata ahloa tloh kaw. Eima ly kaw sai. MSA nata MSO riahria ei kho khei hmeiseih ei”, tahpata a reih.
M Laikaw (MADC) nata Rev. Si Khaw zy rai peimawh hropa vata khitlyna liata vaw y eita he meeting a ma hlao thei leipa vata apei ama ta kaw sai. Hmiala liata arohnah via pata MADC zy dua nata meeting zy hnei thei lai lyma awpata khona ama hnei pata pahnopa a cha.
Siaha liata Mara hlasa thaipazy, Moonlight Daily News paper editors board members zy, nata chysa peimawh hropa zy nata chhao meeting ama hneipa hawta thati daopa a cha.
MSA he 2.2.1968 liata Mara University Siku hati zyta vaw paduapa chata, tahma he aduana Ko (40) tlohna a cha. “For our land and our people” theme atlychaka pata atheina hawta Marapa hmaseih via lyma naw’pa chata rai a hria lyma.
|
|
Last Updated ( Sunday, 13 January 2008 )
|
