|
MSA GS: MITCS & Maraunawzy hmalana alykheina cha apaphao |
|
|
|
|
Written by NB. Sila
|
|
Friday, 11 January 2008 |
Dear zachhipa Moderator,
Mara Chipho cha Khazopa ABEIPA ta phopipa cha awpa ta atlypa charaw ta a chysazy eima sipasa chyna, thobiena phapazy nata khipipa zy eimaw hneithei maleipa vata eima ra nata chipho cha Phopipa achana vaw chalua/palasa thei mâ mapi. Chahrasala ABEIPA ta ngia chachhie eita eima Marapa Literature, Culature, nata Dress zy pabosa theinawpa ta hehaw ta ahy pasaipa-ihna y leipa ta nama phusa nata daiti sokawpa zy cha eima chipho chata hma lymapa ta hehaw ta Web design phangaitapa zy ta navaw pie pasai lymapa vata nata Marapa akaorao thei via nawpa ta Yahoo group zy ta tawta zy ta mia navaw chhitha lymapa vata na hnota thata alyna eima hneihmeisei.
Ko thiepa tawta hmapa thlaopa www.maraland.org he thata angia eima ta hmeisei. Keimo tawta Chin tahpa hry liata Literature nata Culture eima duakheina liata tha mia patlohmeiseih ta eima palo chhao mia apatla ngasa.
Ahawna:
Yahoo group nata Mara Website comment liata tlyma keima nata Unawh thokhazy chhao CHÂ eima roda he yzie hneileipa chhao ythei awta, sawkha ta raipipa hawta eima chaw mawchhi thlamawna chhao ay thei aw. Chazeidua ky liata Phopipa Chana palophao ta rie mia pachathai haw bei ula eima cha ropa chhao he yzie a hneileitu hawkhia tala Marapa Phopipa nata Marapa Thatipa ko(100) a tlohawpa, CHIN tahpa hryta hmiatua CHÂ ahneituachaipa eima chana he a vaw panawsa thei aw. Chavata pachana kaw viapa nata Phopipa palophao chhao he miachhopasia theivia lyma bei ula, chacha Marapa ta eima hma a sie eima ta nachhao acha awpa ta ei beiseih.
Tawla www.maraland.org liata bie hiahrina liata Eima nawta naw khimozy achyla ei vaw palasa.
1) Paw Semual - Poatia ( A ), 2) Fie Julie Aye - Sabypi 3) Fie Cherry myint - Ngephe Sizo, 4) Fie Far Tha Chin Sung - Satu Ngephe zy ama cha.
Tahma a vawpua ba awpa MARA DEIVA liata Cover liata ama hmisa zy hmotheipa cha awta ama mopa (4)to ta hmia atyna (Interview) liata ama thati siaviapa zydua avawla khai aw,
Tawla MSA he 2.2.1968 liata paduapa cha ta a tako 2.2.2008 lia na he Ko (40) a vawtlo hawbapa acha. Chavata ngiachhiepa ta Ako 2008 pa he MSA ko ( 4 ) atlona tahpa ta website liata namaw ropa kha KO ( 4O ) atlona tahpa ta mia vawthlaipa theibei ula eima chalyngaita aw. Mo thokhazy cha ta a peimaw leikawpa haw ta achapa chhao ta mo thokhazy nolalaona amahneithei awpa ta pangiasana eima hneipa vata acha.
Alyna cho nata Zachhina chota,
NB.Sila
G/S, MSA
|
|
Last Updated ( Sunday, 13 January 2008 )
|
