|
Mararah Gospel Centenary Kychhi Thatih Report
By Rev. Zodau
A su: Centenary Tabernacle, Sabawngpi, Chin State
Date: Dec. 12-16, 2007 (Wed.-Sun)
Theme: Arise and shine (Thyu la khaih teh Isai 60:1)
Chairmen: Rev. Satu Ve-u, Rev. Sikhaw, Rev. Maiki, Rev. Victor Ve-u nata Rev. Zodau
Atlo theipa khichhai maluh 3010
Tlo za Dec.12 liata Cultural Night ta hmapa chata Culture Dance zy hneipa chata Sawla, O doh, athih la, Khumi la, Mru la, Asho la nata tahpazy ta taopa a cha. Cha liata hostees chata Cultural dress ta zawpi hmiako liata aduapa chata Vasai beipa Pupa Vatlei nata a lapino, Mara chipho vyupata Ls. Dawtei (Sabyhpi) nata Khumi, Lemarochin, Asho, Maru chiphozy vyupata Laisa pakha chyu sawpi hmia liata patyusapa a cha. Cha liata maniah ahriachaipa cha Meisakotla tawhta Athi la a cha. cha liata athihpa la liata athipa cha Pupa Dyhchhie a cha. Chavata Centenary kychhi liata Marapa Pupa Dychhi ri cha ama pasie hawhtahna a cha.
Dec. 13 my ta Celebration pahypa a cha. Zawpi supalih lata a pahmaoh ei ta Byureih(Tarbernascl e) lata ta rahaona chhao ta sie (march)pa a cha. rahaona bie cha
Marapa ngiaryhchaina su......Awnanopa
Mararpa a khotalaina.. ......... .Thatihpha
Marapa ta apasochaipa ........apokhana
Centenary Tabernacle(Centenar y Byureih)
He byureih he MC. Zasaw(Matupi) ta design ataopa chata Stage sai ta chysa 200 atyu theipa chata stage he step sathoh lata pachhaihpa chata sakha asah chaina liata daihti hneituhpa nata chairman nata Maisah y ta, chhah nona liata Pastorzy nata VIP zy atyuna y ta, chhah thona liata solo nata Choir zy adua theina nata music lata MIC systemzy yna Hlapy member 100 atlyhpa 35x60 feet a cha. cha hmia liata Lamkual field 60x60 feetsqual patlyhpa a cha. Zawpi atyuna he a slope pa kawpata taopa chata chysa 3000 atyu theipa a cha. Hawka he Main Hawka nata Teitu, Bitha, Chakhei, Mathaozy hawka tahpata achyh viapazy chhao sa 5 ahneipa a cha. Hawka zydua asatuhchaipa he Pupa Lautha (Sabyh) a cha.
Celebration service pahyna liata Rev.Dr. James Ngun Hlei(MCC AGS) he chief Guest hawhta hmapa chata pahyna nata speech chhao ahneipa a cha.. Cha liata speech areipazy cha Rev. Dr.M.Zakonia (ECM Moderator)
Rev.Dr. LB Siama (MGCB Secretary)
Rev. C Hniechei (Moderator of MEC)
Rev C. Sitlo (GS of MEC)
Dr.LB Siama tawhta ta Centenary eima ly chhana a reih:chazy cha:
1. Marapa cha zakha liata zakha Krizypa maniah a taopa vata
2. Marapa cha phopi ta maniah ataopa vata
3. Aryhna nata thlalohna maniah apiepa vata
4. Kyh to liata hmasiena miah apiepa vata
5.Hro pathaihna nata zachhihna a palaiseihsapa vata
Hy Abeipa eima cha ly ngai ta kawna,
Centenary Biephuahpazy:
1. Marapa ngairyh chaina su cha Awnanopa he a cha.
2. Thatihpha he eima rah khotalaina acha.
3. marapa ta a pasochaipa cha apohkhana he a cha.
4. Thatipha he eima hrona ta a tlychaka chaipa a cha.
5. ngiathaina he khitla hro liata eima hma chaipa a cha.
6. Marapa ta a pasahsa chaipa cha thatipha chhona a cha.
7.Marapa liata abei machhie, pathaihklei pathluana y khao vei.
8. Thatipha he thaina sohna thabypa a cha.
9.Marapa cha adyryhna akhohpa chipho a cha.
10. Hmotaopazydua pabohsa awpata eima maophaona a cha.
He pahyna service liata avaw tlo theileipazy tawhta khokheina nata Message zy reipa a cha. Message a vaw paphaopazy cha: MCC. Englical Church of Myanmar, United Lutheran Evenglical Church, Rev. Bizo(LTC) Dr. Taisa(Armenia) Paw Mabau(Lialaipi) Sayama Sikhei(Cheenai) , John Byhna Malaysia Mara Christian Fellowship.
Dec. 13 noh liata "Molei a palahahna noh ta hmapa a cha" Rev. Haidau tawhta message phakawpa nathliepa chata, eima moleina zydua centenary ta asie khei hawh tahpa palasana ta Pastor Rev. Nokha (Executive Secretary Culture 0f MEC) ta moleina cha mei ta a rao. Cha liata apeimawh kawpa cha eima moleina zydua reipha cheipata eima ro khiah molei ngiathai hawpa eima cha. Centenary hlata eima moleina zydua Khazohpata miah athei khao vei.
Dec.14, 15 he Khazohpa lata alyna bie reina ta hmapa cha. Cha liata Marahpa cha reithai hlasana ta eima palasa chaipa a cha. Hlasa thai penawzy cha;
1Mc. Vakhai (Siaha vaihpi). Ls. Khihlame(Lialaipi) Ls. Vadawtlei(Hloma) , Ls. Nango (Sabyh) St. Lysia(Sabyh) , Ls. Ngiarili (Teina) St. Vabeiha(Teina) Ls. Mange(Tisi) Hawti Zenevi(Locheita) , Hawti Kyhpacha(PotiaB) zy ama cha. Ls. Vadawtlei nata Hawti Zenevi hlasapa he maniah a pahnie chaipa a cha. Ls. Sun Tin Par deikua sakha security ama nga leipa vata vaw tlo thei khao vei.
Hlapy zy cha Ao 100 hlapy, Missionary Hlapy, Centenary Hlapy, Hloma Hlapy, Rari Hlapy, Ngephepi Hlapy, Sabyh Hlapy New Colony Hlapy zy ama cha.New Colony KTP he khichhai a dytuh penawh ama cha. Sound System nata MIC zydua amo Saiha tawhta vaw phao pa ei ta, New Colony Hyutuhpa cheingei ta a vaw zi ei. Amo he Centenary KTP tahpata moh biepa ama cha.
Dec14 nohchho ta Centenary Message nathliepa a cha. Cha liata areipazy cha:
Evan. EBi(Lialaipi)
Rev. Laichie (UPC Ngephe Sizo) zy ama cha.
Pastor Riabie (Rezua Methodist)
Dec 15 my ta Centenary Lobo nata centenary Hall pahypa a cha Lobo cha Dr. Rev. T Laikai nopaw chaipata pahy ta Hall he Rev. C.Sitlo MEC GS ta a pa hy. Pivaw sano pazawpa chata pivaw apazaw tuhpazy cha Pastor Pension Lauma Paw(Satu Ngephe) nata Pino Khaihie No(Sabyhpizy ama cha). Pheisaih beipa ta LOBO pahyna liata meithei ei 10 a parosa hra. He Lobo he Singapore Mara Fellowship tawhta 1000000/- Ks. tah taopa a cha. A satuhpa cha Pupa Lautha(Sabyh nata Pupa Zawhlai(Lialaipi) zy ama cha.Centeanry Hall he 30x60 Cement ta taopa chata Pupa Khailau nata a sahlaozy ta ama sapa a cha.
My charei ta Bible studies hneipa chata ev. C. Thaulei MCC ta a pachu. He he Centenary khola ta mara Awnanopa sie nawpa kyhzy chata maniah a pahao kawpa a cha.
Dec. 15 zala Centenary Dinner taopa chata chata Armenia rah liata Dr. Taisa ta a vaw patopatiapa a cha. Nopaw viapa zydua Dinner hmaokhata chysa 1000 rachho niepa chata cha leipa zydua cha o tlo liata nie khaipa a cha cha chhao cha Dr.Taisa atohpa pyly chata centenary dinner pyly a cha.Daiti chhoh zydua liata thopi do awpa he Dr. Taisa ta a sponsor pa chata Centenary Dinner nata Thopi zydua liata hryupa taka he EBi reina hawhta a cha khiah Ks 1900000-20000000 likaw ta achha ama tah.
He noh liata palyupalih tlahpa mo 100 palyupalihna hneipa a chata cha liata Dr. Haochha(Mandalay) biereina speech a hnei. Maniah a vaw lykhei pawnawh lata Centenary Banner lyma pie na chhao ama hnei hra.
Dec. Mysupi liata Kalay MEC Awnanopa Achhyna O sana awpa chata Evan EBi 20 15 chakaona daitih piepa chata 5 minutes biereina hnei ta Ls.Khihlamy, Hawti Zenevi nata Mc.BVakhei hla 3 solo sa likawh liata apasaih theipa zydua piena daiti pahypa chata 200 chhoh liata Kalay Awnanopa achhyna o chata thyupazy cha 1600000/Ks a cha. Marasawzy thyuna kyh liata nawhraih tiarah ma pi tahna a palasa hra.
Dec. 16 liata ahlana noh ta hmapa chata chaliata eima hlapazy cha Centenary khola eima sie nawpa chata Abeipa lata eima hlana a cha. Cha liata eima hlana zy:
1. Awnanopa nata chipho apohkhana eima chadai lyma aw.
2. Khazohpa tovyuh(suhraw sukha) ado kawpata eima pie lyma aw.
3. Khitla hro liata siana nata adona eima chadai lyma aw.
4. Mararah he y khoh chhih kawpa rah ta eima pachasa lyma aw.
5. Apahno leipazy hnohta thatihpha eima chho lyma aw.
He ahlana he candle meipavapa cha Chief Guest Rev. Dr.James Ngun Hlei ta hnei ta, Pastor nawh lata pakia ta , Pastorzy ta zawpi la pakia heih eita zawpi zydua mei ama pava khai tawhta acho liata ahlana bie he Rev. Dr. LB Siama tawhta zawpi pareisa ta ahlana a-i kawpa ta taopa a cha.Abeipata eima hlana byhna namiah apie lyma awpa eima hna bei aseih.
He kyhchhi liata daily News papuapa chata Computer printpa a cha. He he Mararah computer print tuachaipa a cha aw. Computer miah a hria chaipa cha Ls. Setlai(Lialaipi) a cha. Stewards mo 100 nata Security mo 50 ta kyhchhih adia sili thei nawpata nata abua lei nawpata a chho nata za rai a hriapazy ama cha.
M.Vahnei Convener alyna bie reina hnei pata kychhi pachhapa a cha.
Khichhai peimaw viachaipazy cha: Rev.Dr.J.Ngun Hlei(AGS of MCC), Pahrahpa Khen Kung (Leika) ano he avaw tlopa zydua hry liata ako a macha chaipa a cha. Rev. C.Thalai(Saiha) ano he a vaw tlo hry liata Pastor service a pasi chaipa a cha. Rev. T.Laikai ano he avaw tlopa hry liata tovyuh atopa aly chaipa a cha. Dr. Haochha(Mandalay) ano he Mararah a vaw tlokhao lei tawhta ko 30 daima tawhta Centenary liata avaw lua theipa a cha.
Kei pakha hmona liata:
1. Ko 100na kyhchhi eima taotheina he ta Khazohpa chhithana a-ipa miah pahmosa ta hmiala eima siena awpa riahphana miah apie.
2. Ko 100 chhoh liata whois who in Maraland nawh he Thatipha theilapazy hawhta hmopa a cha vata ko 200 liata who is who nawh cha Thatipha achahkhei thei viapa chipathlazy ama cha heih aw tahpa mianiah a pahao.
3. Ko 100 cho la Mara chipho nata Awnanopa apohkhana eima hnei aw tahpa hnabeiseihna maniah a pie.
4. Centenary Theme "Thyu la Khai teh" he ta Marasawzy he thatihpha achhopa chipho nata thatihpha chhopakawhna liata maniah akhokhei chaipa a cha tahpa miah a pahmosa.
5. Ko Krizyna liata self-spporting ta eima dua thei hawpa vata chakahnazy nata rairuna zy yhrasala Marapa cha keimo ku ta adua thei awpata miah a pachu haw tahna miah a pahmosa.
Note: He Reportna he Record tawhta reportpa chaleipata keima pakha kychhi ahlaona tawhta eipahno theipazy reportpa a cha. Chavata ei my pathlei hawpa nata akilei ngapazy a y thei aw. Chatliechakohpa a chapa vata Mara cha siezi a do leina hluhpi a y aw.VCD chhao Rev. Dr.LB Siama hnohta edit khai tawhta hmo theipa a cha aw. Keima ku liata chhao edit mahleipa Hlasolo VCD cha a y thla ha. Nama khoh khiah paphaona nata copyna ma nama pie khiah ei chaw paphao thei aw ei.
|
