December 25, 2007-London: Aremenia rah Yerevan State Medical University liata 5th year MD a chu pachha pata nata St. Sasa cha a ei (4) na London Tour a sei pathao haw tahpata thati eima dao. He ary lia tahpa haw heta London tawta thati maniah a vaw pahno sa:
Beichaipa Zisu ngiachhina zawzi va deita tah acha
Beichaipa nata Pachhatupah Zisu ngiachhina zawzi va deita ta London khipi cha atla pata eivaw tlothei haw hy, suto rahto marasaw zydua Pachhatupa Zisu pino he aly kawpa ta nama hma thei chyu awpah beisei pata nama zydua chata thlachhana bah bei vana, kothiehpa nata Krismas byhna reitialeipa cha kaoki Marasaw zydua hnota vawtlopha via leima maw sy. AMEN.
Nama thlachha kheina, ngiachhina, khokheina zydua vata nata Beichaipa Zisu ngiachhiva vatah tovyuh ronah kawpa eidao theihrapa thati he ary liata programs haw heta chaw pahnosa awpah angiatia vana, ABEIPA ta nama thlachha baona vata avaw patopatiahpa program acha talei thei vana.
Aremenia,Yerevan International airport tawta December 24,2007, my daw 9;00 am ( local time) ta khitlyh pa chata Heathrow air port, London, UK cha zala 2.00 pm local time ta eivaw tlo, December 24 tawta kothiehpa no taita Pino Baroness Caroline Cox, member of Britich Parliament, former deputy speaker of the UK parliament, House of Lords ( www.parliament. uk) , CEO of Humanitarian Aid Relieve Trust (www.hart-uk. org) , chakaolapa nata chhokha zy hnota daiti hmapa acha aw, aliekaw liata meeting peimaw pa nata biereina daiti phapa hlupi ahmapa awpah acha.
January 02 tawta January 08 taitah Lord Alton of Liverpool, member of the British Parliament ( www.parliament. uk) nata chakaolapa zydua hnota daiti hmapa cha aw tah Burma rah nata international issue thokha zy chhao thei awpa nata achuvia awpah tah beiseipa acha, pachai tah Lord Alton of Liverpool raihriana zy achu awpah acha aw (www.davidalton.co.uk) .
January 06 no he nopeimaw kawpa hawta ahmapa cha awta UK rah liata churches hlupi apakhyna liata biereina hnei awpa tovyu ronah kawpa mia ama khokhei hra, he apakhyna he Ephiphany NGO (www.epiphany. org.uk) tah patopatiapa acha, pachai tah Burma rah thati as a whole tah rei awpah tah achhuapa acha.
January 09 tawta January 15 taita Christian Solidarity Worldwide (www.csw.org. uk) nata atyna daiti ronahpa cha awtah a-yh viata Burma rah thati nata India rah thokha zy liata (untouchable tribes in India ) kyzy rei kho awpa natah thati achu via awpah acha. He daiti chho ta Kingston Hospital, London( www.kingstonhospita l.nhs.uk) liata Clinical replacement hnei awpah chhao abeisei pa acha.
January 16 nata 17 no he cha Children of hope Burma : project (www.friendsclubworl d.com) nata meeting hnei pa cha awtah, raihriana kyh hlupi lay out awpah acha, Khazopa tah ary ta khiacha cha January 18 za liatah khitlyhna khaw chy awpa cha awtah January 18 heta Armenia rah la second semester, sixth year doctor of medicine achuna pazao hyh awpah tah vawkua hyh awpah acha.
Nama thlachha baona sokawpa abeisei patah he thati zydua he apachhotheina latah eivaw roh pa acha.
Balei patah thlachha kha mia abao leima tupa lokhei zydua hnotah alynabie chhana ahnei leipa reina chota.
“Merry Christmas and a very Happy New Year”
Sasa
Camp.
London , UK
[MITCS Note: Sasa khi tlyna liata Marapa byhna chata hlaotloh thei cheingei nawpata thlachha bao pita, a lykheina chhao eima pasala hra]
|
