| Zikyurana: Marasaw Achychai mo (4) Thailand kiahpah Rilihpi liata ama Thi |
|
|
|
| Written by Correspondent | ||||||||
| Saturday, 22 December 2007 | ||||||||
|
Thailand kiahpa liata Tibaly asuna liata Chin chysa 45 thi eita he lia he Marasaw chy chaita mo (4) ama hlao hra tahpata MITCS ta thati a dao. Marasaw athi penaw he asia kawpata pahno thei mah leipa pita MITCS ta aphno rakha chhopa cha Pihno Makhi nata sawchano Ngozatlei- ko pangaw (La Ao, amapaw Pu Khai Bie Potia B khipa) nata Ianah (India) khimo satliapa nata laisano ama panoh (ama moh pahno thei mahpa cha vei) zy he a ma cha. Puhpa Khai Bie he Malaysia liata refugee ta a y ngapa chata ama no nata sawchano zy he ama paw lata pangai aw pata ama vaw si nga hai nota Rilihpi liata vaduana he ama vaw tyhpa a cha. Ianah khipa Laisano chhao he ava awpa Kuala Lumpur liata refugee ta a ypa chata ano lata a vaw pangai ngano ta he hawta va duana a tyhpa a cha hra. He tibaly he Burma rah Kawhtawng khi tawta athao pata Thailand Ranuang khila pangia awpata Rilihpi cho liata a vaw sie lai nga nota ngapatuna tibaly (fishing baot) lai kawpa nata Dec 21, 2007 4:00 am rachhota a su eita tibaly he ti chho lata a tlapa a cha. He tibaly chho liata chysa 99 vaw kia eita 54 zy deikua ngapatuna baly lata ma kia hma lacho pata ama hrona abo. He athipa 45 zy he hati nata chano viasa ama cha tahpata thati eima dao hra. Malaysia liata refugee ta aypa chhokha zy lata pangai pata a vaw si nga haipa zy a ma cha. MITCS Team ta vaduana atyhpa nata chhokha zydua tluta ngiachhiena hnei pita eima tao khei hra. Abeipata ama sisai hawpa chhokhazy hna panga hri maw sy tahpata thlachhapa he eima hna ngana tlao a cha.
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
||||||||
| Last Updated ( Saturday, 22 December 2007 ) | ||||||||
| < Prev | Next > |
|---|