| MARA REIH RO DAH ACHUNA # 3 |
|
|
|
| Written by Vanoh Paw | ||||||
| Wednesday, 12 December 2007 | ||||||
|
MARA REIH RO DÂH ACHUNA # 3 Mara châ ro dâh achuna nuhby sâkhana nata sânona zy kha nama rei hôlô tlyma? Mara châ nama ro dâh a hmasie via lymapa ta â lâ. Ei châ ly kaw ei. Atahma a sâthôhna ta “ao” thokha nata Mara moh ro dâh a chu heih si la. “iu” = “ua” Mara châ liata “ua” ao he Chapi-Ngiaphia reih liata kheih hawhpa ao ta so awpa ma tahpa ei no vaw raih pâ kaw ta, chavata vaw phi chhyh na ta, “iu” ao ta ei vaw so thlah ha. Ary liata pakhonazy heta ei rei khohpa cha a palâsa pasia aw. Eima zydua ta a duah si la, hla nuhby 100-na Khazohpa reithaina châta sa suh vy!Châhvâ daihti liata cha vahtiepa thokhazy ama kua khai ha tyh.Beipa baona vâta râh hrolâta a ypa Mara thyutliazy ama dua lei kaw.Vaw kua ha la ei tah ngâh lei rianai y! “ae” = “a” Chapi-Ngiaphia reih liata “ae” ao he Mara châ liata “a” chyupa châ ta, chavata “a” ta ropa a châ. Pakhonazy:
He sâhpiti he a pata lei kaw. Zyhno lâpi liata chyhsa pakha ei tyh. “ae” = “aw” Chapi-Ngiaphia reih liata “ae” ao thokha cha Mara châ liata “aw” ao ta ropa a châ. Na pachawparaw kaw dua! Dyh ei châ tita pohphaw bâh na pathyukheisa mah y! “i” = “i” Chapi-Ngiaphia reih liata “i” ao he Mara châ liata chhao “i” ao pyly ta ropa a châ. Pakhonazy: Moh vaw paki tua! Lialaipi khih cha ngiaryh â chhih kaw. Sâh bai thô kaw phaoh na ta eina vi ngâsâ thlah ha. Chapi-Ngiaphia reih liata “ie” ao lalaopa thokha deikua Mara châ liata cha “i” ta ropa a châ. Pakhonazy: Hlihchhy nata Hlyâh hawsaih thiepa cha a moh ama bi mâh ma? MARA MOH RO DÂH
Mawrâh nata Maraland liata deikua syllable-zy ama pazao haw. Pakhonazy: Thy Lai tah châpa ta Thylai tahpata ropa a châ. Maw nawh chhaota, Lian Thangi tah châpata Lianthangi tahpa ta ma ro hra. Chavata Mara châ liata cha Mara moh he syllablezy pazao khai hapa ta ropa a châ. Keima moh chhao he, Lai U châ leipa ta, Laiu a châ. Hiakha lâta ama ro dâh he na a do via, Mara châ liata eima ro dâh he na a do via, tahna y hlei vei. Eima ro dâh rei sai châ ta, Mara châ liata cha syllable pazao awpa he eima tly ha hripa a châ. Tawhla, Hiakha lâ chhâh cha ama pho moh ama moh liata so pâ leipa ei ta, Marapasawzy, a eihpachaipata West Maraland, deikua eima pho moh he eima so pâ khai. Ama moh thaona lâta ama pho moh a so khohpazy ta a initial (short form) ta soh ei ta. Pakhona ta Khaimiehchhôh kha “K” ta palâsapa a châ. K Itei, K Zôhrâ, etc. Ama moh chhâna lâta a so khohpazy deikua ta ama pho moh kha a châna ualua ta ama so. Laiu Fachhai, Pachi Hlychho, etc. Pho moh eima moh liata pahlao pâna kyh liana heta thokha ta cha a palaina, eima pho pasâhsana hawhta a pachâpa ama y. Eima missionary (Vaili mapaw nata nô) zy ta eima pho moh eima moh liata ama ro pâna chhâpa he, âmo ama râh lâta ama moh ama ro tita ama surname (family name) ama pahlao pâ tyhpa hawhta, Marapasawzy chhao eima moh liata eima pho moh he maniah ama pahlao pâpa a châ hra. Eima moh liata pho moh so pâpa he eima pho a palaikheina vâta châ leipa ta, eima surname (family name) tlâ châ ta, chavata hehe hmo pha kawpa a châpa ta keima mopakha ta cha ei pachâ. Râh hro lâ eima tly tita nata châzy a chupa ta eima sie tita, eima pho moh (surname) he maniah ama hiahri lyma tyh. Eima thaokeina a pahno nawpa chhaota a châ hra. Chavata ama pho moh a so pâ khohpazy ta so pâ ei sa la, a so pâ khoh leipazy ta cha so pâ leipa ta tlâ ama y aw. Ama pho moh ama moh liata a so pâ leipazy ta, ama pho moh a so pâpazy he sei ngâ kaw awpa chi a châpa ta a lâ vei. Khiah la he rakha he a vaw daih chy sa la, hmialâ eima pazao heih sy!
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| Last Updated ( Wednesday, 02 January 2008 ) | ||||||
| < Prev | Next > |
|---|