|
Magazine Released: Marara Gospel Centennial Magazine |
|
|
|
|
Written by Admin
|
|
Thursday, 22 November 2007 |
|
November 22, 2007-Yangon-Kuala Lumpur: Marasaw ta eima mokha kawpa Marara Gospel Centennial Magazine cha atanoh lia heta Buma khipi Yangon liata releasedpa a cha haw tahpata Maraland Gospel Centennial Magazine Committee tawta thati eima dao.
"Page 336 tloh ta, English, Burmese, Mara reih thoh ta taopa a cha. Achhoh bie thokhazy na rei tita palolie chhih kawpazy y aw ta, record tlah awpa hluhpi a ypa na pahno hra aw" tahpata Magazine Committee ta a rei.
"A daihti ta liata eima vaw papua theipa vata ABEIPA liata a lyna bie eima reih hmeiseih" tahpata Maraland Gospel Centenary Baord Convener M.Vahnei ta a rei hra.
He releasena he Secretary of Maraland Gospel Centenary Baord Rev. Dr. L. B. Siama Yangon lata Sabypi liata centenary pakhypi (main celebration) chata abyuh-chiahpa zy chata Convener M.Vahnei nata patopatia awpata a zatly haina daihti a chapa hawta thati eima dao hra.
"Marketing kyh liata cha eima rah chhoh liata K.3000 ta eima zua. Myanmar khotho la ( excluding India) copy 500 he raih pachah thei eima beiseih" tahpata Mr.K. Hra U, Secretary of Centennial Magazine Committee tawta thati eima dao.
Malaysia Marasaw zydua cha Mara Christian Fellowship (Malaysia) uthei zy nata Pastor Byhna hnota chalei theipa a cha aw. New Zealand, Japan, Korean, Australia, Europe, nata North America la cha deikua Marketing In-charge zy full contact ay pata nata thati apathei via awpata beiseihpa a cha. Maraland.org nata Maraunawzy Yahoo! Groups liata thati thlai patheipa a cha pyly aw.
Marapa ryu nata lobo hawta a cha awpa Marara Gospel Centennial Magazine he MITCS Team chhaota ei a lykheina sa chaipa a palasa hra.
Ary lia tahpa he Maraland Gospel Centennial Magazine Committee tawta thati patheipa full text a cha:
Centennial Jubilee Alyna ku eima cha patu.
North America liata a ypa unawhzy tovyuh a pakypa ta ama vaw pie pasaina vata Marara Gospel Centennial Magazine cha November, 2007 liata a pua haw. Page 336 tloh ta, English, Burmese, Mara reih thoh ta taopa a cha.
Achhoh biezy cha social, political, religious... etc. zydua pahlaopa ta taopa a cha. Achokyh (cover) cha Mararah liata tlah a sah chaipa Sawhmotlah liata Mongyuhpa chyhsa, Mararah liata liari a tlo tuachaipa hawti Tlosai nothlahpa chhao ta taopa a cha. Achhoh bie thokhazy na rei tita palolie chhih kawpazy y aw ta, record tlah awpa hluhpi a ypa na pahno hra aw. Nochhi nata Notla Mara zydua pahly kawh thei chai awpa ta article zy ropa a cha. Ko 100 eima kaw sie hana liata ngiatlahpa nata pahno tlahpa thatizy y ta, hmiala eima sie nawpa liata pachana phapa nata saduthiena phapa (vision) miah a pie awpa article zy chhao a y. Marapa a hyrai ta rei cheingei awpa ta eima khokhei kawpa chabu a cha.
Na pahrana su tawhta vaw patluah thei la, na yna su thlai cha vaw patlosa thei awpa ta eima vaw tiama aw. He Magazine na vaw patluahpa vata eima cha ly ngasa.
Maraland Gospel Centennial Magazine Committee
|
|
Last Updated ( Sunday, 25 November 2007 )
|
