|
MITCS Note: Aremenia Yerevan State Medical University liata Doctor of Medicine a chu nga haipa Stp. Taisa (Sasa) tawtaary lia tahpa hawna heta eima rah Hnatlana chata ngiapana chi pabuna thati MITCS la thati mia a pathei. He hawta mopatla cha hmeiseih pata Marapa kyh khacha apacha thla hapa eima unaw Sasa hmo taophana liata MITCS tawta eima lykheina hmeseihpa eima palasa hra.
-----------------------------
Eima rah Hnatlana chata ngiapana chi pabuna thati
Mara saw hlu via cha thotla khi liata khi asa pa cha pita kyto liata vaduana nata hnochhana cha keimo y ta avaw cha haw, rietheisipasana hlupi zy hryu liata pachaita hnatlana ky liata ngiachhi eima chhi zi khi ngia kho rai achhi vei.
Mara rah khito liata Tihnaw, Tikhao pathaihpa eima hnei thei khiacha chatlai cha thohna- o phakawpa hneipa hlata ryuso viapa acha tapa pahno na chota nata Tipathaihpa hmapa he Hnatlana chata peimaw chaipa acha naky khacha athei thlaha pata nata Tipathaihpa hmapa he thina daw acha li sa thei” tapa khacha angiapa na chota ary la hawta eima rah chysa zy HNATLANA chata ngiapana chi eivaw pabu.
1. Aru khi, saw zy, Tipathaihpa ama do thei awpa khopasa kheina vata Tipai chalei nawpa chata Ks 1300000 ( Tei 13) chi pabu pa chata atahma chipabupa phusa zydua cha paphao pathao hawpa acha, abo kaw pata Aru khisaw zy o-ko tlo sala Tipai zy acha tlie pata ama hmo thei na hata thlachha bao su vei, Aru khi YAYAKA nata Nopaw zy achhohia khai tawta chipabu pa he pasisa aw pata pary sa pa acha.
2. Chapy khi, Tipathaihpa ama do thei nawpa khopasakheina vata Tipai chalei nawpa Ks 600000 ( Tei 6) chipabupa chata he chipabupa phusa he eima rah la asi ngalana lathlo liata a y, Chapy khisaw zy achatlie pata Tipathaihpa ama do, hmathei na hata thlachhana liata athei su vei.
3. Ma-U khi saw zy Tipathaihpa ama do thei awpa Khopasa kheina vata Tipai chalei nawpa chata Ks 800000 ( Tei 8) chipabupa chata he chipabupa phusa zydua he atahma Ma-U khi uthei pa nata Nopaw zy lata paphao ngalapa acha, Ma-U khisaw zy Tipathaipa ama hmo chatlie thei na hata thlachha bao bi su vei.
4. MaLa Khi saw zy Ti pathaihpa ama do thei awpa khopasana vata Tipai, ( Zipai) cha lei nawpa chata Ks 2300000 ( Tei 23) chipabu pa chata , Khazopa ta Mala khisaw zy chata chi pabu zy cha vaw papyu sa hawta atahma cha MaLa Khisaw zy Tipathaih pa ama o hmia liata ama dao thei haw. Abeipa mohcha reithai pata y via rili se. AMEN.
Acho lata chipabu zydua khi Khi Macha pa nata Khi Nopaw zy awna ao , ahysai thei leipa ahawna zy dao khai tawta Abeipa pata hlao avaw patlosa pa acha.
Mara rah Achhyna O liata chipabuna thati pachhopa:
Keima cha Armenia sawkha ta international students nazy pahra nawpa chata atao pa room pha kawpa lia tlo nata ava vawsua ta ei kha hmata eipo abu pazy pada tlahrao vei, za vaw tlo ta electric meikhai pa ryu liata cha reitheina tovyu eihnei.
Hnola avaw hy pata eima rah Achhyna O thokha zy eivaw sai tita deikua ava asua nata Achhyna O chho zy da khai ta za avaw tlo nata mei pakhai pa ama hnei lei vata Hlabu, Bihrai zy chhao arei thei khao leipa ei khisaw zy kha ei palo phao lia ama vaw la rili.
1. Saby Khithie Achhyna O chata Ks 354000 ( Tei 3 nata si 5 sa 4) chipabu pa chata atahma paphao ngala pa acha, adaiti ta liata hmothei ei sala Achhyna O chata ama hmathei na hata Saby Khithie he thlachha bao bi su vei.
2. Patheitla- ( Patheitlasa) Achhyna O chata Ks 354000 ( Tei 3 nata si 5 sa 4) ngiapana chipabupa chata he chipabupa he Patheitlasa khi Achhyna O ko atlo chatlie thei nawpa chata thlachha bao bi su vei.
3. Lialaipi khi Aphaw- Aw Vaih Achhyna O chata Ks 354000 (Tei 3 nata si 5 sa 4) ngiapana chipabupa chata atahma paphao ngala pa acha, achatlie pata atlo pato thei na hata thlachha bao bi su vei.
4. Lialaipi Khi L. Stese Achhyna O chata Ks 200000 ( Tei 2) chi pabupa chata atahma ama hnota atlo khai thei haw vata nata Achhyna O paryna liata amahma thei haw vata Abeipa lata alyna bi na rei khei hra bi te u.
5. Lialaipi khi, Vaihpi Achhyna O chata India Rupees ta Rs12000 ( Si 1 nata sa 2) ngiapana chipabupa chata zala meipakhaina chata solar system chalei eita , Lialaipi Vaihpi Achhyna O cha mei ama pava thei haw vata Abeipa la alyna bi reikhei hra awpa ta eicha hraw chyu ei.
He chipabupa Taka-phusa zy dua he khatai tawta aveipa ma acha:-
Mohthokha hlupi chata cha no- a achhi hmeisei awta thokha Khazopa nata azaona pathaipa ahnei pazy chata deikua cha ngiapa na he tlapi zy chhao taita apasi thei tapa kha eima ngiapa thlyu aw.
Ko 2002, Armenia rah lia Dawty achu awpa ta ei vaw tlo no tawta Abeipa hnota Bitaina eihnei pa zy:-
· Scholarship, Prize, salaries reikhileipa, nata eicho liata phusa avaw ngiatheipa zydua he suhraw liata sutho cha eima rah chata pachha leima awpa.
· Taxi ta tly ma University la zu lei pata Taxi fair, Bus fair chata achapa phusa zydua cha eima rah chata pachha leima awpa.
· Khazono (Sunday) no maita patinie lei pata patipahapa nie vyu pata aphusa lata eima rah chata pachha leima awpa.
· Achuna patlo hla lei cha Khila si lei pata khila si vyu pata Air ticket ma he phusa lata eima rah chata pachha leima awpa .
· Phusa keima achuna ahleikhopa nata pocket money eihnei laka pazydua cha eima rah chata pachha leima awpa.
Acho lia hawta vawsi leima nata ata ko 2007 eivaw tlo cha ko 5 nata khophi chhota achola chipabupa phusa zydua khi eiku chhao lia avaw hmao thei pa acha, Abeipa pata he tluta hmorona ngaita kawpa he eicho lia vaw patlosa ta Mara rah khi thokha zy Tipathaihpa pa hmona chata nata Achhyna O chata zy avaw hma thei haw vata Halleluiah!!! Abeipa moh cha chhazaw nata tlyzaw ta reithai pata y maw se; AMEN
Abeipa lata alyna bi eina rei khei hra bi awpa chita ahawna asa chaipa eivaw pathlah.
Sasa ( Atai)
Sixth Yrs, MD, YSMU
Armenia
|
