Ko hluhpi a pachhai hapa Maraland liata Awnano laichaipa Sano, ECM nata CCI(M) zy cha Awnano Sakha liata y awhpata aparyhsa pa acha. ECM nata CCI(M) apokha nawpata a hmaopakhyna MADC patopatia pata Dt.23.6.2005.Siaha liata hneipa chata MADC liata CEM nata ahrialahpa zy chata Awnanopa sanopa zy a pokhana awpata Board chata ECM nah zy Pati nie kheina hneita amyla ta CCI(M) Board member zy pati nie khei heih ta. He liata a hawna ama taopa liana chata Ko 2006 hlana heta ECM nata CCI(M) zy heta a pokhana hnei khei eisala, Ko 2006 Assembly avaw y awhpa liana heta Awnano sanopa zy heta sukha liata y thei eisala tahpa cha MADC chhihtha tuhpa zy a hawna a cha.

          Dt.26.6.2006. liana khata ECM Hqrs. Office Siaha liata Meeting hneipa chata, Chaliata a ma bie pathlupa zy cha :

1.       General Hqrs. chata Siaha chasala, Mission Hqrs.cha Saikao cha        mawsy tahpa a cha.

2.        Awnanopa moh chata Evangelical Congregational Church of India,Maraland.(ECCI (M)) cha mawsy tapata lorao kawpata a pypa a cha.

3.        August 2005 liana khita Awnanopa Sanopa zy heta Executive Committee hnei rairi eisala a byu khiatala Special Assembly chhao hnei eisala.Ko.2006 Assembly cha sukha liata hmah awpata a chhuanohna hneipa chasala tahpa acha.

4.         He a pohkhana meeting hneina liana heta Puhpa.N.Viakhu,CEM(MADC)chhao Special Invitee acha. He a pohkhana Committee chata atanoh tawna heta ECM nata CCI (M) chata achakao rairi awpata ama paryhsa hra. He a pohkhana Committee liana heta ECM latawta Pastor 7 nata Macha 1 a hlao eita; CCI(M) la tawta Pastor 2 nata Macha 7 ama hlao hra.

           Biedaona ta areina hawta, Awnano sanopa zy apokhana chata a tyupakhypa member zy chata hmialata apokhana chata bie ama hmo thai leina ama reipa zydua kha atahma ta ama tyupakhyna liana heta cha y khao leipata palohru a pahy (zero) kawpata ama daopa vata aziza chhao a hua kawta palah ngasapa acha hra.