Ary lia tahpa he Rev.John Byhna tawta Mara Social and Welfare Development Committee (MSWDC) pahyna thati patheipa a cha. 

 

Dear Mara Unaw,

 

Krista mota MSWDC alyna chibai Kuala Lumpur, Malaysia tawta eichavaw bu ei. Khazohpa ngiachhina va nata MSWDC nopaw nata Mara Unawzy ABEIPA liata nama thlachha baona vata MSWDC cha On 7 October, 2007 , Mara Christian Fellowship, Galilee International Church, Mission Centre for Southeast Asia, Kuala Lumpur, khipi liata Khazohpa hmiako nata Mara awnanopa hmiako liata Thlachhana ta pahy pa acha. Aly achhikaw.

 

MSWDC pahy nawpa chata avawpiepasai thei pa ( MSWDC Board of Director-Puhpa Sicho SISIPAW - Norway  ) tawta Malaysia Taka RM- 1500 ( thykha nata Zapangaw )mania avaw baotheipa vata ama nata achhokha zy cho liata alyna bie eimarei hmeisei. Puhpa-Sicho ( Akhi- Locheipi ) pho Khaimichho  acha.  Khazohpa ta MARA pa " Chi nata Pho " chata byhna atopa hlupi avawpie pasaina cho liata Khazohpa ta va byhna hlupi chapie via lyma maw sy tapa eima thlachha chaina avaw cha. Eima chaly kaw.

 

MSWDC pahyna thati asiakaw pata eivaw ro.

 

 1.  Ahmia tuata zawpi Hlasana - ECM 268 hneipa acha.

 

2.  MCF, Chairman John Kha U biehrai reina thlachha nata daiti pathaopa acha. MSWDC pahy nota Chairman -John Kha U ( Teithai Upaw ) - Akhi Lelai acha.

 

3.  MSWDC, Chairman, St.Elaisa ,Akhi AhRu ,Press Release reina nata hmiala Mara sawzy eima sielai nawpa aphazie zy nata rah chata raihria papua lai awpa zy biereina mania hneipa ta Mara sawzy eima ly kaw saipa avaw cha. St.Elaisa he Khazohpa ta Mara sawzy chata mania avaw tuapa acha hmeisei tahpa ta eima reithai kaw.

 

4.  MSWDC -Press Release report na cha zydua chhao copy taopa chata MCF- General Secretary- Ne Ru ( Akhi-Lalaipi ) ta Mara Lupa zy hnota chahna arai lyma pa acha.

 

5.  MSWDC, pahy nota Rev.John Vabeibyhna ,Akhi AhRu, MCF Pastor Malaysia ,Bible reina Isai-54:2 hneita napo O sucha pakaw te, Bible reikhai nata ABEIPA liata thlachha nata Paw - Saw - Thlapathaipa mota MSWDC cha On 7 October, 2007 Sunday time 1:00pm Kuala Lumpur, Malaysia liata pahypa avawcha. 

 

6.  MSWDC pahy khai tawta Laisa-Neipai Akhi Chakhai aly na hlasana mania ahneipa acha.

 

7.   MSWDC ahmana chho zydua ta Camera zaipa chata MCF-Assist Secretary Nge Mau, Akhi Locheita ano ta nothlapa zy mania alapa acha. acho liata alyna bie eima hla.

 

8.  MSWDC pahy khai tawta  daiti pachhana thlachha nata byhna awna chata Pupa Hra Mau ( Ngo hmopaw ) Akhi Sabyhpi thlachha na ta daiti pachhapa avawcha.

 

9.   MSWDC alyna NORWAY tawta  Member of Board of Directors Sicho ( Sisipaw )  ano tawta nibua mania avaw pato patiapa cha Mara Christian Fellowship lupa nata member zydua ta hmaokha ta niepa acha. Alykawpa ta daiti avaw hma thei pita eima vawpachhapa acha. MSWDC byhna cha Mara sawzydua hnota vawtlo maw sy. Amen.

 

Krista liata,

 

Rev.John Byhna

Assist - Secretary

MSWDC

Tel; 012 2389 250

Email : jbyhna@yahoo. com

 

MITCS team tawta MSWDC aly kheina palo hmeiseihpa eima palasa hra.

 

Comments

Add New Search RSS

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."