|
Centenary Celebration MCF Bangalore
Marara Gospel Centenary, Bangalore cha September 26, 2007 dawh 10:30Am tawhta dawh 6:00Pm taih ta Wesley English Church, Cole's Park, Bangalore liata taopa a cha. Atlô theipa maluh cha 150 rachhoh ama cha. Sôh ama thyutheipa cha 3200/- rachhoh a cha. Lunch niena hneipa chata Vaosa, Awhsa, nata Viachaosa Mara chhodah chhopata niepa a cha.
Programme tlahpipazy cha: Centenary atheithlahna chata Centenari Momento dedication nata Centenary Theme dedication Khichhailaipa ta ahnei. Speech ahneipazy cha: Khichhailaipa Puhpa P.S. Chhuasa, Dr.John Hamlet HlyChho nata Rev. Zodau zy ama cha. Hlapy nata Hla solo chhao a y. Bible Quiz chhao hneipa a cha.
Khichhailaipa Biereipa
Ano he Mara rei ta zawpi liata bierei awpa hlata Mongyuh reihzy athai via ha bapa chata Centenary Momento Dedication liata English ta thlachhata Marasawzy he hawhpa duahmo taihta Khazohpata maniah a vaw patlôsa hapa he tahpa alyna mothli chhao ta thla a chha.
1. Marasawzy Centenary kholata Sohna eima chadai awpa a cha. Eima hrona phahnaina miah atlokhei theipa sohna (Holistic education) he eima papeimawhsa awpa a cha. Cha leipa khia eima chinata phohropazy a cha dai thei khao aw mapi atah. 2. Chipho phopi viapazy he amopa awpa chata viahpanawhzy, mongyuhpa nawhzy nata ahropazy hawhta tha ta tiama raihria awpa Centenary ta miah a pahao atah.
3. Marapa cha isolated area liata a ypa eima chapa vata hmasie thei khao mapi. Chavata ato eima yna nata chakaona zydua liata isolated tu awpa cha vei. Isolated-na he hmasiena miah tlo khei thei vei atah.
Dr.John Hamlet HlyChho biereipa
Abeipata hmorohnapa miahtaopa ta eima ly ngaita kaw hlazy 126 : 1-5
Chavata eima lyna chha awpazy cha:
1. A sawchapawpa hneichhohpa miah pie vata eima ly aw.
2. Ahripa sata seichana tawhta miah a papuapa vata eima ly aw.
3. Mara chi nata pho ta miah ataopa vata.
4. Eima chana chyu he Abeipa byhna a chapa vata eima ly aw.
5. Marapa nachapa vata a ly teh. Chi-pho hropa cha awpa achhuah khao hra kha ei.
Centenary khola mohropa chata byhna cha awpata tôh lyma su vy.
Rev. Zodau biereipa
Thyula khai teh tahpa he BCE 548 rachhoh liata Isaih pathôna ta Babelaw seichana liata atahpazy hnohta hnabeiseihna thatihpha chata chata R.A Lorrain ta 1908 Saikao khih Thylai tlyhmia liata Mara reih ta arei tua chaipa a cha. Cha tlai cha atah noh Keimozy chata a vaw paro heihpa ao a cha. Chavata:
1. He thatipha he Marara liata tu tuachaipa chi a cha.
2. He theme he ko 100 Marara liata a charei haw tahna a cha.
3. Krizyna thokô cha ta eima bohna, thlalôhna, hnebeiseihna nata hmasiena a cha.
Khapa vata he theme he a peimawh
1. Isai daihti liata
Hnabeidypata a ypa Zerusalem zuano thyula khai ba awpa he abeipata ahmo haw. Cha thatihpha cha Ezra, Nehemiah, Persian Beipa Korasa, Atexezer zy ta vaw respond eita Juda rah padua heihna nata Jerusalem kudohpa paduana lata a vaw cha haw.He thatipha a vaw respond tuhpazy cha cha daihti liata Who is who a ma vaw cha haw.
2. Vailimapaw daihti liata
Marara zohkaluhna daihti chata khaihna thatipha cha misionary zy vaw phua eita, cha cha ama hro liata a vaw chahkhei lyma eita, achahkheipa nata a chahkheileipazy cha byhna ama tona nata toleina liata atanoh pahno theipa a cha. Atanoh Marara liata who is who nawh he thatipha a vaw respond-pazy ama cha. Chavata Marara paduana nata A khihnarah kawpa chata Abeipata ahmaphalyma ei.
3. Keimo daihti liata
Apeimawhleipata Khazohpata he theme he vaw chaneisa aw vei. Atanoh na nata kei he Abeipa hmiako liata special eima chapa vata Centenary miah a vaw tlokheipa a cha aw. He theme chhao hmiala kô 100 eima sie heihna chata a peimawhpa nata abohna, thlalohna, hmasiena, hnebeiseihna a cha hei awpa vata, anodeikua, khatluma Vaosa eima niepa a pahah tahna liata centenary byhna thlie awpa chaleipa sala, centenary he ei hrona khatlu ta a napananosa tahpa liata eima thlie awpa a cha. Chavata he Thyula Khaih teh tahpa bie he na khei ta na respond aw. tahpa he a peimawh ngasa. Ngachhihpata he thatipha liata ahla tuhpazy cha hmiala kô 100 pa liata Marara liata dei chakhaoleipa awta Myanmar rah or India rah zy liata Who is who ama vaw cha aw.
Theme : Thyu La Khai teh
Asuh : Wesley English Church, Bangalore.
Date : September 26, 2007
Time : 10:30 Am - 6:00 Pm
A tlo theipa milu : 150
Chief Guest : Puhpa P.S. Chhuasa
Source: http://www.maratechnology.com/
|
