|
Hy ary liata Maraland Missionary zy thatih chyupa vawpalasahpa he thokha cha ta cha pahnochiepa, thokha cha ta cha pahno ta my hapa, thokha cha ta cha pahno mahleipa chhao cha thei aw, amy hapa zy pahno pakhua hei nawpa chata nata apahno maleihpa zy pahno pazih awhpa chata vawpalasahpa a cha.
1.REV. REGINALD ANTHUR LORRAIN.
Rev. Reginald Anthur Lorrain he 10th july 1880 ta London liata apihpa a cha. Apaw moh James Lorrain. No moh Moud Louise Hokins. Unawh chapaw 4. sietano 1 ama unaw hry liata aseihnai chaipa a cha. Unawzy;- James Herbert Lorrain. (Mizo Missionary)
Frederick Charles Lorrain.
Edwin Lorrain.
Ethel Louse Lorrain.(sietano)
Reginald Author Lorrain.
R.A. Lorrrain he Nov 12th pata lapino London zuah Moud Louise Ulander nata a hnei eita, amahnei tawta thla 3 chhao atlo hlata dated 18th January 1907 ta London puasaipa ta Mara rah ama novah ta ama kaw pangai. Missionary ta a khy no heta ko 27 utheipa a cha. Mara rah liata Missionary ta ko 37 ahria tawta dated 4th. Feb 1944 zala dawh 4.45 pata a chakao tyhpa Abeipa O la avaw di ha. Kyhpacha ngaitana chota a vaw chakaona su Mara rah Saikao Lorrainville liata Abeipa avyheina hapa ta a pohpa cha pabupa a cha.
R.A. Lorrain nata alahpino Moud Louise Ulander he 25th Sept.1907 noh ta Marapa khi hmiatua chaipa Paitha (atahma Lai Dist) khi ama ngia. Paitha khi ama tlo nata R.A. Lorrain ta ?Ma ta ei sapa cha tahma ei tlo haw ?a tah a ly ngasa. 26 Sept 1907, 4.pm ta Tlosai ama ngia. Thla 6, Ko kha chhao atlo hlata 1908 ko liana heta Khizaw avawpih tawta a y ngaileipa ?ALPHABET ?span> cha Marapa zy chata taopa avaw cha haw. Ko 1908 July liata Marapa zy chata Lakherland Siku apaduah. Hla paliepa 1910 liata abu ta a tao. Hla 37 a y. Hla thiepa 1912 liata atao hei. Hla 68 a y. Holy Bible 1956 liata hneihpa a cha. Mizoram nata Chin Hills zy hry liata Holy Bible ahnei tua chaipa eima cha.
2. MRS. MOUD LOUISE ULANDER. Marapa zy ta Vailimahno tahpa ta ama pahnopa Mrs. Moud Louise Ulander he Sweedish zuah chapa ta 6th. Aug 1875 liata London khih liata apih. Apaw moh cha Otto William Ullander a cha. Naro patho hry liata uthei chaipa a cha. Rilahpa hnei vei ei. Rev. R.A. Lorrain nata dated 12th. Nov 1906 liata ama hnei. Ano he chano riapha pa, raihria tiama ngaitapa nata riethei taona liata tiama ngasapa ta atao hnolo lyma theipa chyhsa a cha. Saikao liata a ma kaw y tuano heta ano sai ta tithaipa ta, tho aphao tyh hra. Ano hlata mo hropa apapeimawhsa thaipa, tlahleipa nata hara nohmeipa a uasa ngasapa chyhsa a cha. Missionary hropa lahpono zy hawta chakaona ky liata khazohpa bie reih beih hra vei sala, a hrozie nata nocha ta chysa apachupa nata chhihthapa a cha.
Ano he Mara rah chata hrona a hmah khaipa chapa ta ko 53 tlai khazohpa khinarah chata a vaw chakao tawhta dated 23th. May 1960 noh ta a chakao tyhpa hnohta apaha awpa ta a sie ha hra. Ano chhao he a vahpa R.A. Lorrain kiahpa liata pabupa a cha hra.
3.MRS.LOUISE MARQUERITE TLOSAI LORRAIN. Marapa zy ta Vailino tahpa ta ama aw tyhpa Mrs .L.M. Tlosai he 18th Jan 1909 ta Saikao khih liata apihpa a cha. Arichah khapa chano nata chapaw zy apakyh thai ngaitapa chata, Mara rah apihpa a chapa hawh tlai ta Mara reih athai ngasapa a cha. Ko 1934 Sept ta Rev. A.B. Lorrain Foxall nata ahnei ei ta, Saw chano pakha Violet ama hnei. Ano he Marapa hla chhao ta Mara reih a thai via khiah ma tah awpa a chapa vata, apaw chhaota Bible bie apalie nota ahma chaipa nata asaohiah chaipa a cha. KNP nata KTP paduahna kyh liata a thabypa a cha. Pasahna khiakhi-kawpa ta apasahpa vata Helicopter ta dated 18th April 1968 liana khata Tipa (v) tawta a zawkheipa cha ta, Christian College Hospital Ludhiana, Punjab liata mohohpa ta dated 21th June 1968 pata Abeipa hnota apaha ha.
Ano he pasahna khiakhi-kawpa ta apasah nata kha, tla thei awpa ta apangiasa khao leipa vata, athih daiti liata a thla lia soh awpa Mara rah leilo kg 5 achakaih ta, apangiasa haw tlai ta Ludhiana thla suh liata pabupa a chanokha, ano kho dah haw tlaita Mara rah leilo Kg 5 pakha pabupahpa a cha. Chasala Mrs. L.M. Tlosai rureih he eima Mara rah nopawkpa zy ta ko 1992 liakha Ludhiana thla suh tawta la papuapa ei ta, a no nata paw thla kiahpa liata pabupa a cha hra.
4.REV. A.BRUCE LORRAIN FOXALL. A.B. Larrain Foxall (vaili paw) he a thla tloh leipa ta a pihpa, Dawty zy chhao ta chyhsa a cha lei awpa ta ama raopa a cha. Ko 1903 July 30th pata Bridge North, England liata apihpa cha ta, Unawh Pachaki (9) hry liata aseihnai chaipa a cha.
Ko 1929 liata Khazohpa awna pahno ta. He ko liana heta Mara rah liata chakao awpa ta a kaw pua ha. Ko 1934 Sept 20th pata pino L.M.Tlosai nata ama hnei. Vailimahpaw ta Mara-English Grammar a patlo hma leipa patlo ta. Mara rah liata ko 49 Missionary ta a chakao tawta dated.2nd July 1977 pata a chakao tyhpa Abeipa la avaw di ha. Ano chhao he Vailimahpaw nata Mahno thla kiapah Mission compound liata thyu heihna noh ha awpa ta paziapa a cha hra.
MISS GLASYS RAMSEY (1921-1927) Miss Gladys Ramsey he ko 1921 liana khata Mara rah liata Missionary awpa ta a khy ta. Ano he London laihsa, laihsa hmiphapa nata poraoh pha ngaitapa cha ta, Tota nata piano zy a to thai ngaitapa, hla sa a thai kawpa a cha. Chavata Marapa Satliazy ta vaw pasahsa ngasa ei ta, Awkhypa hla ama vaw phihna ngapa kha a cha.
Ano he Missionary rai liata apie kawpa nata pahah kawpa, Marapa zy kyh apache ngaitapa a cha. Mara rah liata ko 7 chho a hria tawta dated 9th Feb 1927 pata ama rah la chhuti ta sie ta cha tawta a khy khao leipa a cha.
MISS IRENE HADLEY (1928-1934) Miss Irene Hadley he Mara rah liata Missionary rai hria awpa ta ko 1928 liata a khypa a cha. Laisa hmipha kawpa, aopha kawpa nata hla sa a thai kawpa a cha. Mara reih chhao a thai kawpa a cha. Vailino nata akaopa ta Marapa chano zy chachu nata hmobieh zy a thata pachu tyh ei ta, Ano vana heta Marapa chanozy ta chachu na chah ama vaw pahnopa a cha.
Ko 1934 pata Mongyu rah la a lie ta, Mongyu rah taw chhao ta Marapa chata athihna taihta thla kha avaw chha tyhtupa a cha. Rev. Herald G.Ball nata a hneipa ta USA lia ama chakao.
Ko 1978 July 23th ta a vaw chakao tyhpa nata kyh apacha ngaitapa Marapa cha siesaipa ta Abeipa liata a paha tahpa pahnopa a cha.
MISSIONARY HROPA ZY:- Mara rah liata Missionary ta a khy ei ta, ko 1 ra chho ngalah ama hria tawta alie lilaw hapa zy:-
1) John Mark (1925)
2) Miss Gorst(1929)
3) Mr Jelly nata a sawnah 3 (Marry, Susan nata Johny(1931) Mara rah liata ko 1 chhi ngahlah chakao ei ta ama lie ha vata, ama thati he pahnotu leipa ama cha.
He ary liata chabu zy taw heta apachhoh theihna hawta lahpapuapa a cha.
1) The Hundred years of Maraland, puhpa Zakhu Hlychho Ex Cabinet Minister Goverment of Mizoram.
2) Mara Thyutlia Py Diomond Jubili 1907-2007.Mara Literature-A Lakher Pioneer Missionary te sulhnu, Dr. Chawngkhuma Chawngthu Sr Lecturer Goverment Saiha College Saiha.
3) Krizyhpa Thyutlia Py Diamond Jubijee 1907-2007,Rev. Zakonia.Sr Executive Secretary ECM HQs Siaha.
MARALAND GOSPEL CENTENARY TA SAPA BYHNA NATA THLAPA BYHNA HLUPI TA CHAVAW TLO KHEI MAW EI SE AMEN.
Pawsa chozah.
New Delhi.
|
