Dear rahto liata marasaw zydua saih u,
Centenary alyna chihbaih eicha bu ei. Nama zydua thlachha baona nata
khohkheina vata 31 na Kirchentag, Cologne,Germany pakhypi cha atlah pata
eima hlao khai haw. Athatih a chyutheina hawhta ei vaw palasa.
1. Khichhai maluh 120000-150000 likaw ama cha. Overseas khichhai 5009 eima
cha. Kirchentag pakhypi zydua hry liata khichhai hluchai ko a cha.
Kirchentag he Catholic nawh kokha, protestant nawh ko kha tahpa ta hnei
raihri tyhpa chata atako pa he protestant nawh eih a cha. Py to, reihto,
chito ta ABEIPA chhohkha patizy do theina su a cha. Germany liata awnanopa
he achhyna o atlo ngailei pazy, Khazohpa reithaina hla a sa ngai khaoleipa
zy a mahluh ngaita bana rah chata he Kirchentag he lay organization ta
apaduapa a cha. Pakhypi he Bible study ta pathaopa chata, Worship service ta
pazi ta, cha khai tawhta cha, polotics, economic, ecology, health tahpa ta
no chareih topic na nopa a chu tyhpa a cha. Zawpi ahmao na su he su 15 ta
pachhaih pa a cha.
2. Germany liata khei hawhpa organiazation (Politics, Human Right, Health,
Education etc..) zydua advertisement atao kala eita, kheihawhpa py chhao rai
ahmo theipa a cha. Krimo cha tima kaw pata no palih chhoh ahmothei achhuah
pita py 15 eima hmo thei. No ah chhih kaw pata Women nata a zaopa rai rai y
tla vei. Amapaha chaipa cha children education a cha. Social development
chhao ama paha kaw.
3. Bietlahpi pa cha Khazohpa Biecha hro ta hmotaothei ta, a tiah (Heb 4:12)
a cha. Ama duakhei chaipa cha Khazohpa biecha moto chata cha chata ahyrai
ahmapa maih hmotaotheipa ama cha tyh. Ahyrai sipasapa zy pacha tlohleipa ta
thisaih aniepa cha anie chakhy thlah haw. Khazohpa na eihnei tahta chihro
phohro, pyhropa zy apathluapa cha ahaihpa a cha. Germany Awnanopa nata
Sawhkha cha Africa liata a ypa a lyu. Africa rietheina ama thei pareithlah
vata.
4.Viara maniah apahnopa a ma chyh kaw. Kirchentag liata Mara Awnanopa
apahnopa cha WCC deita a cha. Children Education chata baona eima hiatyhpa
EED, KNH,EMW, ELM , Germany nawh chhao bahta dahdei maniah ama pahno.
5. Organization eima hmopa zyta eima rah liata amapaloh maniah ama riechaina
cha Children education a cha.
6. Awnanopa phupy eima tyhpa zydua ta eima Awnanopa ama pahakheichaina cha Self-support, self-Governing, self-propagating Church eima chana, Woman
Ordination eima piena, MCC, CCA,WARC, WCC member eima chana, Awnanopa suhraw sukha thyuna zy a cha.
7. Eima tyhpa zydua ta eima rah mo ama reithaichaina cha khichhaipasona,
sanawh rino a daona, rahto eima tlo hawpa chhaota eima rah nata awnanopa kyh
eima pachana, thina nata vasana liata taokheina dah, phaosa hneilei,
reithailei pata rah hrola siengana riaphana zy he maniah ama reithai kaw.
8. Maniah ama hriahrichaipa cha, chatlu nama rah hnohkhawpacha he liana he
ta y thla ula tahpa cha mawh sala kheita e nama pacha tahpa he a cha chai.
Keima ta eivaw chhypa cha Khazohpa nata Awnanopa hmiako liata Mara Awnanopa
liata chakao awpata bie ataih haw pita, achuna chatala nama rah liata
achukhoh kaw nata chakao awpa deikuala eima rah la eima sie aw. he nama rah
liata eima chu chhoh chhao hmata eima Awnanopa nata rah chata eima chakao
lyma aw pita eima su hraw sukhapa chhao eima rahla a sie aw ei tah. Namo
pastor nawh dei ma? na tah eita, cha vei rah to liata marasawzydua eima rah
rairuna nata Awnanopa chata suhraw sukha he cha ama vaw khai pa a cha. By
force a cha ma? maniah tah eita, cha vei, ngiapana theilapa nata kyhpachana
theilapa tawhta paloh a ieleingaita na chota a taopa sai ama cha. Su hraw
liata Sukha thyupa he nama dychhie kaw aw khiah ma? nama phaosa zydua chha
khai ro tlo ta maniah tah eita, eiapahnona rakha liata suhraw sukha athyupa
angiapachhikawpa hmo tla vana, athyuleipa angiapachhikawpa dei eihmo tyh.
Suhraw sukha he Khazohpa bie chata eima byhna tona hnawh a cha eitah. Ama no
a ah kaw.
Eima Awnanopa nata rah chata thlachhana chota hriapasa chyu sila thlachha
bao rairi chyu suh vy.
Rev.Mai Ki
|
