|
Written by Sasa
|
|
Sunday, 13 July 2008 |
Dear Moderator nata Lokhei zydua,
Namo zydua thlachha baona zawzi vata nata Khazopa ngiachhina zawzi vata
Royal Family nata atyh na hneithei pazy hryu liata pakha hawta avaw
hlao hra nata ano-ha eikaw taraw pata low profile ta y chy awh pa
khopasana va heta media laipa hawkhola he eivaw puakhei thei ma leipa acha.
Achhobie cha zy he khothola puakhei ma leipa bei sila Khazopa nata keimo
likaw azaona phaviana acha awhpa information ta hma achhua bei su vei.
Khazopa ta ngiachhi miah tapata atahma hawta Marasaw tah Royal Family
zy, apachai ta Future King of UK, Princes Charles, Princess Diana( L)
vahpa, Princes William nata Princes Harry zy paw achapa, atahma UK
abeizuano acha ngahaipa Queen Elizabeth II sawchapaw achapa, eima tyh thei
hrapa tlai he hmata Historical mark miakha atlo hawpa hawta khacha eipyh
hra, Princes Charles , a hmotuhpa hla heta ahmothei awh pata ryraona a
pietuhpa Khazopa nata a hmona chhachhapa ta achapa chipho zy he tlao
ama no ahlao viapa hawta ama rona viapa acha, Khazopa nata Chipho tloh
pata tao awhpa duahmo acha hawpa zy cha ei reithai kaw.
Princes Charles nata Historical Photos ala lakai pazy he Royal
Photographer hnota y chyta low profile ta y chy awhpa khona vata Publically ta
khotho puakhei pasai mah leipa achapa hawta media laiviapa BBC nata CNN
zy tawhta chhao achy ta apahla sai chypa hawta acha chy hra, he tawhta
athati avawdia viapa nata photos zy chhao arypao thai khiala MITCS
nata Maraland.net liata vaw paphao thei hra awpa eivaw chhua bei awna.
He His Highness, Princes of Wales eima hmonoh daiti heta bie areituhpa
mo 4 hryu liata keima chhao Princes hnota bie areituhpa pakha hawta
einaw khokhei hra ei, keima ta eidua khei chaichai pacha Health nata
Education achapa hawta Cyclone thati nata atahma eima taonga haipa Mawta
chakana thati zy he acha.. minute 50 chho ta he zydua he reikhai awhpa
achatita adaiti hmata nachadie kaw hraw sala Khazopa ta vaw parona sa
hmeisei ta keima bie eivaw reipa nata Princes Charles pohpa tlaita thlai
eibie reipa navaw hlyu hrata adaiti cha ahlu via pata eivaw tothei pa
acha, chhaikha zy cha biereina daiti ama hmothei leipa vata palochhina zy
vaw y kaw hrawsala Khazopa ry mia araona khokhah thaipa achaleipa
hawta daiti zydua cha hlaotlo kaw pata patlo theipa acha.
Royal Family eima tyh nota ano ha ychaichai pa cha Mara Dress, Chyu na
pohta taopa avaw cha, Princes Charles nata eima hmopa nata areitua
chaipa chaipa bie cha " Nakei pa Dress angia dah cha, khoh achhi da cha"
eina tah.. Mara-Chin Dress na acha tahpa chhao pachhao kha thata eivaw
palai khei ngaita kawpa acha.. Mara-chin tahpa cha khapa yzi maw? acha
tapa pahno khona vata chipho pho kha achapa eima chana zy, chyuna poh tao
pa he thai-sa pata taopa achana zi nata eima rah liata atlo ngahaipa
chakana thati zy chhao reina awhpa avaw zaokhi lai khaipa acha.. no-ah
achhi ngaita kawpa acha.. Princes Charles ngala chalei pata ano Personal
Secrectray chhao ta " nama Dress he angia ngaita kawna" tahpa ei 2
lata eina chho pasia hyhpa acha, Mara-Chin Dress he Princes Charles tah
arei hla khacha chatlu pota angiapa vaw pahno leikhah nata atahma tawhta
deikua cha UK King hmata eino eitho la ta appreciate ataopa nata
comment apie dress angia ngaita kawpa acha tahpa eivaw pahnopasia haw.
Health ( Hnatlana) thati zy chhopazao leima nata eima reikho pazydua
palochho lia khota mia anathlie pha ngaita kawpa vata alypa acha hmeisei,
meeting khai tawhta ei personal Secrectary paw nata akei hmo hyh ma y
tapa ta Princes Charles paka tlaita na chho ta, meeting eima patlo pa
nata ano personal Secrectary paw nata akei hmo hyh nata, meeting akiapa
hryu liata keima ngala he ano personal secrectary paw nata atyh theina
ahnei hyh pa hawta avaw cha lilaw, arona hmeiseipa nata Khazopata nama
thlachha baona zy achhy ei hmeisei tahpa cha he lia he chhaota avaw la
pasia ngaita kawpa acha.
Princes Charles, Personal Secrectary paw ta areina dah ta cha , His
Highness, The Princes Of Wales heta nama Hnatlana thati na rei pakha
khacha apalochho lia kho haw tlohta tahma bualua ta eima tao hiapa ay leimaw
sala apalo tla gnyu aw veina, atahpata bie pathao ta bie narei hnai
chaima hyh ta.. achhana liata cha Princes Charles kuchho lia sohpa
Charity tawh heta " Doctor Travel Medical Pack" he eima cha patopatia pa
awhpa acha tahpa eina chho, he Doctor Travel Medical pack he chysa 1500 zy
chata thohnapa sohpa byuh chata dawty zy hmatlah awhpa hlupi chhao
atloh pa acha, UK dawty zy nata Royal Family advisors zydua chhaota apha
ama tahpa ta Pack pachhuapano pa achapa vata thata ama ahnei hmeisei
awhpa hawta ei pangiasa kaw.
Atahma eima tlo awhpa wednesday ( 16th July) khita He Princes Charles
Charity liata uthei chaichaipa, President nata eima hmo hyh awhpa acha,
chatita he " Doctor Travel Medical Pack" ama tapa chhao he achatlie
pata Mawta chakana rah la he atlo thei awhpa ta rei chanei hyh awpa chhao
pachhuapano haipa achapa hawta mawta chakana khola, Nargis Cyclone
khola taita chhao hmiala chi nata pho chata medical practics taona liata
chhao thata mia aphahnai awhpa nata baotuh pha ngaita acha awhpa hawta
abeisei kawpa acha, anodeikua la Khazopa ryraona zi nata Khazopa ta
lathlo mia apiena zi hawta tla acha leima aw, thlachha na kha abao riari bei
su vei.
Low profile ta ychy awhpa aphana zi pahno na chota Royal Family
Photographer tawhta hmathlazy eivaw hmo khai tita cha acholia rei chiehpa
hawta hmathla zy chhao eima paphao hra bei awna, thlachhana liata kha abao
parei leima su vei.. eima rah he ariethei tlota atano liata hmophapa
sakha kha chipho chata eima tao leima khiala eima ngia pachhi kaw awhpa
va heta chi nata pho cha heta raihria sila, pakha nata pakha bah acha-ao
pata akhokhei via leima sila, areisi kawpa nata nonao kaw pata
chiphopi chakaona raihria leima su vei tahpa chhao pasyuna chyta eivaw rei
chanei hyh.
Myla( July 13) heta Nargis Cyclone thlapi pa chata fund raise na
Brington ama tahpa khipi lia taopa pachhuapano eita keima tlolei chai pachhao
speaker ta narao hla eita khei hawpa achapa chhao namo zy thlachha
baona khacha amokhah pata eisi hyh awhpa acha, mawta chakana thati chhao
he daiti ary khia cha rei cheingei awhpa kha eichhua hra, nama
thlachhana liata kha navaw thei leima bei mu vei, keima chhao nama mo reipa
cheingei ta atahma tlaita thlachhana eivaw hneitheimah leipa chhaota
Private thlachhana, su achalina liata prayer hneinoh daiti maikaw liata chaw
mei bei vei eina.
Thati zy daiti eina dai khiacha eima pahnosa leima awna, mawta chaka
baona vata Maraland (nochhi-natla) la he tly awhpa khona khacha hnei
nata fact chakana fact finding he keima pohpa tlaita tao awhpa abyu hawzi
nata chiphopi thlazona, chana ao zy cha eihnota avaw tlo hawpa achapa
pahnosa pa eichapa hawta atahma he Rector lata thata eichhohia lichieh
acha, ngiachhi pata thlachhana naw chha khei bei mu vei..azahnia liata
chhao Chin Famine Relief Committee la heta mawta chakapa baona $ 8000 (
USD Eight Thousands) cha paphao hawpa achana kyh chhao he liata
eivsiasa zy tawta pahnosa pa eicha haw, he thati phapa zyvata chhao Abeipa
moh cha ei rei thai leima awh.. London Delegation zy ama tlotita chhao
chakapa baona he ahlu viapata eima phao thei hyh awpa beisei na chota
thlachhana eima hnei leima hra.. thlachhana.. thlachhana he hmotaothei ta
thlachhana he daithlai kha ei si.. Khazopa cha angapa nata angiapa pazy
chata cha ama hrona liata Deiva nata Awsi. no nata thlapa zy hla khita
akhia viapa acha, ngiachhi pata chakana vata aleidia nga haipa chipho
pi cha heta khapa hmatao theipa eima hneilei pachhao thlachhana chha he
la apie pasai chyu su vei.
Alyna chota
Rah chata nama chakaolapa
Sasa
Camp: London
|
|
|
Written by Admin
|
|
Tuesday, 01 July 2008 |
|
Maraland.net ta Dr. Sasa, England la khi atly tyh tahpa eima vaw pahnopa cha atahma lia cha British Library, London khihpi liata eima missionary nazy hmosopa mo awpata eima hawna hlao patloh pata ano pohpa tlaita a va hmo khai haw. |
|
Read more...
|
|
|
Written by Admin
|
|
Friday, 27 June 2008 |
Yangon: Myanmar Examination Baord ta taotyhpa Basic High School Grade-10 pyhraw result apua hawpa ta thatih daopa chata. Ary lia haw heta Chin State tawta result hmo theipa chata, Marasaw zy chhao ama passed pha kawpa hawta pahnopa a cha. |
|
Read more...
|
|
|
Written by Admin
|
|
Tuesday, 24 June 2008 |
New DELHI, Chhiepa (June) 22- Delhi Mara Family Welfare ta apakhyna June thlahpa chata hlaotloh kaw pata ama vaw hnei ha heih. Aly achhih kaw. Ary liata report he ama co-ordinator tawhta a cha.
Abeipa ngiachhiena nata namo thlachhabaona vata MFW (Mara Family Welfare) Delhi liata aza duana he kôno hlei avaw pha haw, thlakha eikha lyma ta pakhyna eima hnei lyma .
This e-mail address is being protected from spam bots, you need JavaScript enabled to view it |
|
Read more...
|
|
|
