Chinland News

Mara Chief Council General Conference Ei 4-na Hneipa a châ

Saturday, 09 February 2013 06:40
SL

MARA CHIEF COUNCIL GENERAL CONFERENCE EI 4-NA HNEIPA A CHÂ.
Siaha : Atanoh târi noh 7,Hmypi,2013,my dawh 10:30 tawhna khata Puhpa
C.Duhlala-O College Vaih,Siaha liata Mara Chief Council General
Conference ei 4-na cha hneipa châ ta.He liana heta Mara râh liata Bei
vaw châ ta,khih nata râh avaw hnei tyhpa, 19 amâ hlao.He daihti
ahmâhna liana heta Puhpa Pachi Hlychho ca Khihchhailaipa châta hruapa
a châ.

Daihti ahmâhna he chhai 2 lâta/Session 2 lâta pachhaihpa châ ta.Chhai
I-na liata Puhpa A.Tharu,Vahia Bei nata Mara Chief Council liata
President a châ haipa ta daihti chhitha ta,Revd.NC
Vabeilua,Moderator,ECM Hqrs:Siaha daihtizy Khazohpa lâta pavaosana
hneipa ta;”Mara beizy ei chi he,zawpi ta eima cha cheichalo thai
leipa vâta nâmo liata amopanaina/inferiority Complex a ypa ta alâ
ta,Zawpi vyuhpa ta nama pachâthaina ei haw” tahpa ta biehmia reina a
hnei.

He khai tawhta,Khichhailaipa Puhpa Pachi Hlychho,Secretary,MADC ta
biereina hneipa ta,”Mara beizy he Chi hro pho hropa beizy hlâta nama
khihsawzy kokina liata nama pha via syulyu” tahpa ta reipa ta,”Hlâno

ta nama khihsawzy baotuhpa nama vaw châ tyhpa hawhta mo hropa
patypamâtuhpa châ leipa ta,baotuhpa tlao châ ula,nama yna lia maihta
Bei nama châna a lâ maw sy” tahpa a reih hra.

Puhpa Pachi Hlychho heta arei lymâna liata,”Eima District Council
chhao he Mara beizy hmahlana vâta hneipa châ ta.Kô 1944 liata Saikao
khih liata Mara beizy a hmôpakhypa khata,Tlaikaopazy ry liata y awpa
ta hlâta cha Burma Colony hawhta y awpa chhao ama kho viana zie reipa
ta,District Council hiah awpa ta ama vaw pathlu hapa kha châ ta.He
vâna heta Nâmo nata nama pathlatuhpazy vâta ryureina ei-hrâpa hneipa
eima châ” ”Hlasathaipazy,Sport theipazy nata Politician-zy he amâ lâlua kaw
nota,nohkha ngâlâh adaihpa thâtihthiehpa ama hnei tyh.Abei zy deikua
la,Chhâzaw thâtih taotuhpa,History Maker nama châ” tahpa ta Puhpa
Pachi Hlychho heta a rei hra.

Daihti hmâhna chhaih 2-na liana heta,’Delhi lâta Sawhkhâ ta Abeizy râh
achhu hapa’ Compensation chôchâh liata adaona ama hneipa Report piepa
châ ta .He hleikhô heta hmahlana hropa ama kaw hnei lymâ n’awpa
chôchâh pachâna hneipa a châ hra.Daihti he zâlâ taihta hmâh awpa châ
ta,Pati dô pahmaopâpa a châ aw.

Mara beizy kha Kô 1956 liana khata Assam Acquisition of Chief’s Right
Act hmâhpa ta, ama Bei châna cha pachhâsapa châ ta,ama râh amâ vaw vao
tyhpa zydua sawhkhâ ta ala hapa vyuhpa ta baona/Compensation chôchâh
liata atahmâ he ama bua hai.

 

He liata bei avaw hlaopazy:

Ngolai Hlychho, Tôkalô
K. Cholo, Kiasie
V. Bohia, Laki
Lalhmingliana Chinzah,Tipa
HC Cholo, Amobyu
CZ Lai-U, Chakhei
HC Sangi, Thiahra
HC Ngodo,Tisôpi
C. Chiakö, Iana
C Duhlala, Chhaolô
CZ Vabie, Chapi
HC Siama, Theiva
HC Ngurthansanga, Amôtlâh
HC Chiakha, Siaha,
Beihro Hlychho, Pala
Lalthangliana Hlychho, Saikao